والله جتني الصيحه ... على بالي صدق .

من جد فاجتيني في المقدمه هههههههههههه لا وماحفظه على القمل من الانقراض هههههههههه شوفو وين رحت هههههه تسنعت اي والله انج صادقه اما موضوع الدعاوي فحدث ولا حرج الله لايتقبل الاخير

صدق أسلوبك يضحك والبنات ضحكوا ويمكن مو كلهم اعتبروا هالموضوع جدي بس والله أنا اكره الأم تدعي وربي أمي الله يرحمها توفت وماسمعتها تدعي علينا تدرون ليش لإن أمها من كان عمر أمي عشر سنوات تدعي عليها تدرون وش تقولها تقول ياجعلك تشوفين خوياتك وتتحسرين على حالك وفعلا أمي كان كل شيء بالحسرة عليها كل شيء راح بنفسها بحياتها ماطلبت شيء وجاها توفت وكل شيء حسرة عليها ولما مرضت كان عمرها 45 سنة وتبكي وتقول تحققت دعوة
امي حتى العافية صارت حسرة على حالي ورب الكعبة كانت أحن وحدة على جدتي بس مدري وش فيها عليها والحين ندمانة أشد الندم وتقول من توفت محد نحن علي من عيالي وربي قبل أمي تدق عليها تغديتي تعشيتي جوالك فيه رصيد وكل هالشي فقدته بعد ماامي توفت الله يرحمها والحمدلله أمي كسبت من برها بأمها كلنا برينا فيها وربي لما تتنوم نتهاوش أنا وخواتي من يتنوم عندها وتبكي تقول الحمدلله عيالي تهاوشوا من يجلس عندي مو أنهم مايبوني والله ماقصرنا لابنات ولاعيال صح طلعت من الموضوع بس انتبهوا لاتدعون صديقتي عندها اخو كبير متزوج وعنده ثلاث بنات وساكن عندهم واخوانها كثير وصار البيت زحمة وقال لأمه بطلع أسكن برا وزعلت أمه وطلع واستأجر غصب عن أمه وقالت له طلعت عشان زوجتك وبناتك الله لايجمعك معهم بخير وراح وصار عليه حادث ومات وزوجته اخذت بنتها الرضيعة وراحت عند أهلها وبناته الثنتين وحدة عند اهل ابوها وحدة راحت مع عمتها شفتوا دعوتها صارت وماجمعهم ربي انتبهوا تدعون

موضوع قميل قدا قدا
قولي آمين جعل الله يوفقتس ويرزقتس من واسع فضله
دايم هالسالفه تقهرني
بعض الأمهات متعلمه ومثقفه بس ماتتركـ هالعاده
مدري إذا تعرفون قصة الشيخ عبدالرحمن السديس الله يحفظه
يوم كان طفل
كانت امه مسويه ذبيحه وعازمه الناس
المهم انه ذاك الوقت الذبيحه مكلفه جدا
عاد يوم حطت السفره وراحت تقلط المعازيم
جا أخذ تراب من الحوش
وكبه عليه !!!!
تخيلوا انفسكم مكانها وش بيكون شعوركم
تدرون وش قالت :
رح جعلك إماما للمتــــــــــــــقــــــيّن

امي كانت راعية دعاوي

دعت على اختي مرتين اذا شافتها مقفية قالت عساك بالدمامل اللي تجي فيك فالمنطقة الحساسة وما تروح لين انا انظفها لك وفعلا صابت فيها وما راحت من اختي لين امي نظفتها لها

وكانت تجي وتقول ترا انا دعيت عليكم بين الاذان والاقامة بس ما تقول وشو الدعوة بس الحمدلله الان بطلت يمكن لانها كانت تعبانه نفسيا والان سارت احسن

انا اذا زعلت اقول لولدي الله عساك العافية او الله يصلحك ومرات اسب بس مرات يفلت لساني واقوله عمى من القهر