هذي الكمية تكفي 7 اشخاص كبار
يالله بســــــم الله
المقادير
3 كاسات جريش مغسول
25 غرام زبدة
1 لتر لبن منتهي له 3 ايام
بصلة
ملح
فلفل اسود
2 جبن كيري
ماء
دجاجة
اول شي الزبدة+بصل+رشة ملح.....الملح مع البصل يطلع موية البصل بدون ما يحرقة...... تعلمتها من فتافيت
بعد ما يذبل البصل نحط الدجاج+الفلفل+جبن الكيري+الملح الخشن حسب الملوحة الي انتي تفضلين........انا دايم املح كثير
نقلب الدجاج لين يروح اللون الوردي نضيف الموية
نخلية على النار نص ساعة او تقدرين تضغطين الدجاج 20 دقيقة اذا مستعجلة
هذا شكلة بعد ما استوى الدجاج
تطلع الدجاج و نحطة بالفرن عشان يتحمر
نضيف اللبن للمرق و كاس موية
ونخليها لين تفوح
بعدها نضيف الجريش و نخلية لحد ما بفوح
بعدها نضغطة لازم يكون على نار هادية ولمدة ساعة
الحين نسوي الكشنة انا ما كثرت لان اهلي ما يحبونها
المقادير
بصلة+زيت+بهارات+ملح شوي+ليمون اسود مطحون
اول شيء نحمر البصل مع الملح بعدها نضيف باقي المكونات ونقلبها شوي وبس.......
الحين نغرف الجريش في حافظة او صحن التقديم والكشنة فوقها وبالهناء
قولوا ما شاء الله.......