مرحباً
قصيدة سمعتها واعجبتني واتمنى
تعجبكم
يا دار ياليتني مـا جيـت لـك زايـر
ما جيت يم السليـل ودجـت بالعايـر
اقول ابمرها وامشـي علـى الطايـر
طول وقوفي بهـا وابطيـت اراعيهـا
يا دار وين البيـوت اللـي لهـا رنـه
واهل القيم والشيم والفـرض والسنـه
قالت توفوا وراحـوا يـا مـلا الجنـه
وش ينبغى بالمنـازل عقـب اهاليهـا
قمت اتلفت ولا ادري ويـش صايبنـي
ما ادري وش اللي على الاطلال جايبني
هلـت دمـوع الشقـا الله لايعاقبـنـي
العين تبكـي وانـا ادري وش مبكيهـا
تبكي على ماضي الاجـداد ورسومـه
وبيوت باقي اثـر وبيـوت مهدومـه
يا عين على البكا ما نتيـب ملزومـه
ذي سكة ٍ كل خلـق الله مشـوا فيهـا
ولدت عيوني وشفت الرجـم بالعالـي
يبكي ودمعه علـى الاوجـان همالـي
يقول راحـوا وخلونـي هنـا الحالـي
في غربة ٍ شاب منهـا راس راعيهـا
واضحـت بساتينهـم منهـم خلاويـه
يلعي بهـا البـوم لا هـذي ولا ذيـه
واليـوم مابـه كلالـيـف وحرفـيـه
الله يستـر مــن الدنـيـا وتاليـهـا
ما باقي الا القميـري يسجـع لحونـه
من سمع صوته تهيض خافي شجونـه
صحيح الايام ابد مـا هيـب مامونـه
ام الـبـلاوي كفـانـا الله بلاويـهـا
اقفيت عنهـا ودمـع العيـن منهلـي
طاري طرى لي ذبحني جعلـه يولـي
اظني ما عاد امر الدار واحسـن لـي
ما يبكي العين كـود افـراق غاليهـا
فهد المفرج
ولو تسمعوها بالصوت :06:
بس مو عارفه اضيفه:35:
غصن اليمون @ghsn_alymon
محررة
يلزم عليك تسجيل الدخول أولًا لكتابة تعليق.
sooooma
•
.. سلمت يمينك أختي ,, قمة الروعه والابداع
رروووووووووووووووووعه
والله اني اقراها وهي ماثره فيني بالحيل لاني توي بالامس واقفه على بيوت لي اكثر من عشر سنوات ماجيتها وتذكرت ايام زمان واهلها اللي راح منهم اللي راح وباقي اللي بقي ....
واحلى بيت هو
اقفيت عنهـا ودمـع العيـن منهلـي
طاري طرى لي ذبحني جعلـه يولـي
اظني ما عاد امر الدار واحسـن لـي
ما يبكي العين كـود افـراق غاليهـا
وشكرا لك مع انك من زمان مو مبينه وينك....
والله اني اقراها وهي ماثره فيني بالحيل لاني توي بالامس واقفه على بيوت لي اكثر من عشر سنوات ماجيتها وتذكرت ايام زمان واهلها اللي راح منهم اللي راح وباقي اللي بقي ....
واحلى بيت هو
اقفيت عنهـا ودمـع العيـن منهلـي
طاري طرى لي ذبحني جعلـه يولـي
اظني ما عاد امر الدار واحسـن لـي
ما يبكي العين كـود افـراق غاليهـا
وشكرا لك مع انك من زمان مو مبينه وينك....
الصفحة الأخيرة