جلابيات الحنه يابنات ابوظبي والعين ساعدوني

مروج الربيع هلا حبوبه بس ما وضحتيلنا؟؟ جلابيه قصدج مخور؟؟ عندج الوفا وايد اوكي
ولا موديل مثلا هندي ولا بحريني؟؟ أنا فصلت قماش ساري جلابيه طلعت وايد ما شاء الله حلوه بس الموديل كان من عندي راويته الصوره.. أظني في عنده بعد كتالوج تختارين منه ويسويلج إياها نفس الشي.. و ممكن يخرزها بعد..
إذا بغيتيه خبريني ببعثلج رقمه.. ووين مكانه بالضبط.. هوه في العين..

مشكورة عزيزتي انتي الوحيدة اللي ردت علي
وانا اقصد بالجلابية مثل الهندي واليشمك
وعن خياط الوفا اعرفه
وما قصرتي

مروج الربيع عندج خياط لطايف في العين.. هووه صح مبين متواضع بس خياطته نظيفة.. وزي ما قلتلج لو عندج موديل معين بيسويه كوبي.. ورخيص... ممكن تيبين له كتالوج اليشمك نفسه..

أما الباقي والله ما أعرف بس في محل مصمم بحريني بين الجسرين في أبوظبي أعتقد ممكن تيبين له القماش انتي و جلابياته نفس اليشمك والله مب ذاكره اسمه بس خبريني بسألج اختي..

عندج الأسطوره في أبوظبي بس تبيع جاهز جلابيات أنسام الخلف المصممة الكويتية اللي لبست الهام الفضاله و زينب العسكري في مسلسل مب ذاكره اسمه...

شو عن اسعار الأسطورة؟؟

الغااية عندج الاسطورة.. اشيائهم رووووعة ووااايد راقية.. ترومين تاخذين من المحل جاهز او تطلبين من الكتلوج الجلابيا مع الكسسوارات لو تحبين..
اسعارهم تبدأ من ال 3000 درهم وفوووق..
بس الصراحة سعر القطعة فيها..
والف مبروووك :)