من أسبوع اشتريت مكينة خياطة جديدة
ومن فرحتي فيها قلت أجرب أخيط فيها
وبما إني مبتدئة بالخياطة كل معرفتي من النت بس قلت بجرب بقطعة قديمة كتجربة
جبت جلابية قديمة عندي صارت قصيرة علي
وطبعا فكرت إني أحولها لبنتي عمرها 3 سنوات
وطلعت بفستان خفيف
طبعا الفستان لا يخلو من العيوب خخخخخخ
بعرض لكم الصور مع شرح العيوب ، واعذروني ما صورت الخطوات نسيت خخخخخ
عموما هذا شكل الفستان على بنتي
وهذا شكله من الخلف
طبعا ما سويت حزام للفستان لان بنتي تكره الأحزمة وتقصهم
ني للتفاصيل
فتحة الرقبة طلعة واسعة كنت خايفة تطلع صغيرة فوسعتها ، المرة الياية بضيقها ، لان بنتي ضعيفة وايد و وطالعه عظامها شكلها غلط ..
ومن غير ما ضبطت تركيب البيه على الاطراف لاني سويت الشريط صغير شوي
ومن غير الخياطة باينة وخاصة انه ما عندي خيط بنفس لون القطعة ، المره الياية بجرب طريقة التركيب المخفيه
هذي شكل خياطة الأزرار
فيها بعض العيوب ، يبالي تدريب عليها لأني ضيقت الفتحة ويوم فتحتها تفككت الخياطة شوي
وهنا تنظيف الأطراف للمكينة
وهنا حولت يد الجلابية لبنطلون لبنتي
ومن بواقي القماش سويت رباط للشعر على شكل وردة ، يبالي اسوي وردة ثانية عشان تطلع أحلى وتكون اوضح
شو رايكم بشغل المبتدئين ههههههه
طبعا انا بستمر بالتجريب على جلابياتي لين ما احس اني ضبطت الخياطة وبعدها بجرب اسوي فستان بقطع تناسب اليهال