ديه اول مشاركة ليه و يااااااااااارب تعجبكم :angry: جلاش البيتزا يا بنات طعم البيتزا بالصبط و اهم حاجة انه سهل و مبياخدش وقت
المقادير : 1/2 كيلو جلاش - علبه جبنة نستو- سمنه سايحة - طماطم و فلفل اخضر و زيتون متقطعين دواير .
نجيب الصينية و نحط فيها معلقتين سمن و نبدأ نرص ورقة جلاش و يعدين ندهنها بالسمن و هكذا لحد ما نوصل لنص كمية الجلاش , نفرد الجبنه النستو براحة ع اخر طبقة جلاش عملناها بشويش عشان الجلاش ميتقطعش و بعدين نحط الطماطم و الفلفل و الزيتون
نبدا نرص باقى الجلاش و مننساش نحط بين كل ورقة و التانية سمن . و لما نخلص الورق كله نقطع الجلاش بالسكين و ندهن الوجة ببيضة مخفوقة مع معلقة لبن .
ندخل الصينية فرن حار على درجة 200 و نسيبها لحد ما يحمر الوجة و بتاخد تقريبا نص ساعة و بالهنا و الشفا و يارب تعجبكم .
