انا استعمل طرحتي.. لانها فعلا مجرد مراره..

والجلال ما اعرف له ابببببببببد.. رغم ان امي ياعمري عايشه طول عمرها بالجلال ما تركته الا من كم سنه بس انا عجزززززت..

اساليني انا عن جلال الحموله خبره فيه سنين وشهور وعلى راي علبة شاني لابسته 27ساعه ونص وتلقينه في الاسواق الشعبيه طيبه والعويس واذا كان قصير اشتريلك اثنين واشبكيهم استر لك مثل ما تسوي محسوبتك خبر خير

ناثرة الورد انا من الرياض بقعر السعوديه واخوان زوجي يقعدون معنا لا ويشربون الشاهي والقهوه خصوصا اذا كان اخواتهم مجتمعين
يعني بالعربي لا ترتاعين لو قعدو معك اذا تزوجت انشالله وللمعلوميه انا عند اهلي الحريم في جهه والرجال في جهه

مرحبا ياحلوات اللي ماتعرف وين ينباع مثل ماقالوا الاخوات عند الراشد
في وشيقر اشكال حلوه وعموما تلقونه عند الحريم الباسطين دائما
وعند محلات السجاجيد...

أنا بقولك عن نفسي, أنا ماسكنت معهم لكن معتمدة على نفسي , كل مارحت لهم
أجيب جلالي معي .. ليــــــــــــــــــــــــــــش؟؟؟؟؟؟؟
1ـ لأني ماأضمن إذا صار عندهم يمكن أحد يستعملمه ويسيء استعماله, أويكتسب رائحة
المكان اللي هو فيه..
2ـ ولأني لابد أدخل المطبخ عشان نفزع في العشاء أوغيره بتلصق فيني ريحة الأكل...أرجعها معي عشان أغسلها...
3ـ عندي جلّة كثيرة (جمع جلال) ومو معقول أخليها كلها عندهم..
وياأختي الحبيبة باين عليك الحرص على الستر- سترك الله في الدنيا والآخرة - لأن فيه حريم الله يهديهم متساهلات..
الأفضل لك تشترين جلال صلاة من النوع الوسط مو الثقيل مرة أو الخفيف ويكون طويل أستر لك ... وأنا عندي جلّة بعدة ألوان(أسود, كحلي ,عنابي,زيتي,بيج,أحمر على برتقالي..)
سوي مثلي عشان كل مالبستي تغيرين الجلال موجلال واحد راح تملين وينكرف بعد..
وأقولك على شغلة تسوينها في جلالك عشان - ياكثر ماأقولها - ترتاحين مايطيح منك بسهولة:
خذي الجلال وقيسيه عليك إذاصار قدك اطويه نصفين بالعرض وخيطي الجوانب لحد ماتوصلين للثنية بـ7سم تقريباً خلّيه حتى يصير بأكمام والبسيه عادي ودخلي يديك مع الفتحات اللي تركتيها فعلاً الطريقة هذي مرتاحة لها كثير..
وأخيـــــــــــــــــــــــــــرا نصيحة من قلبي أوجهها لك لاتنسين تلبسين شراب أسود في بيت حمولتك لأن اخوان زوجك أجانب مثل غيرهم.. في البداية يمكن راح تتضايقين لكن احتسبي الأجر ومع الوقت راح تتعودين عليه...
نسيت أقولك أحيانا أفصل جلال وأشتريه بالمتر من عند الراشد في الديرة(أوشيقر) وتوني شارية للعيد واحد...
آسفـــــــــــــــــــــــــــــــــــــــــــــــــــــــــة أختي على الإطــــــــــــــــــالة وأي سؤال أنا حاضرة ..........