جلسة خوات

هلا بنات .. سخباركم ؟؟ طبعا ان عضوه جديده ولكني في الحقيقة اعتبر نفسي قديمه لاني معششة في المنتدى بس اقرا فيه ... المهم بنات انا سبب تسجيلي .. اني بصراحه الدنيا ضايقه فيني ... اكيد تبغون تعرفون ليه ... من زوجي ومشاكلنا عيت تنحل .. وخلاص وصلت لطريق مسدود ... وتهديداته لي بالطلاق ان استمريت في هذه المشاكل ... المشاكل انا ما راح اخبيها عنكم .. ولكني اردت من خلال هذا الموضوع اني افضفض لكم .. وخاصة اني ما افضفض لاحد ... لاني ما ابغى افضح زوجي .. وفتحت هذا الموضوع عشان اي وحده متضايقه من شي وودها تفضفض تجي وتقوله هنا .. يعني هذا الموضوع كله عن اي مشكلة بينك وبين زوجك .. وتبغين تحكينها لاحد بس من غير فضايح ونشر غسيل ...



انا مشكلتي مع زوجي طويله عريضه .. زبدتها المكالمات مع بنات ومن جنسية معينه ما يحتاج نذكرها ... وكل ما تناقشنا ينكر ... وانا اشوف في جواله كل شي ... بس طبعا هو مهددني لو مره ثانيه فتحت جواله انه راح يطلقني .. فانا سرت افتح الجوال من وراه بس ما اناقشه في شي الا اذا كان واضح قدامي وقدامه حصل ... اما عن الي اكتشفه بالخبا فلا .. لو اقوله اني شفتها في جوالك راح يسير ما لا تحمد عقباه ...


المهم الحين طلع راح البحرين وانا والله احس اني قلبي بينفجر من حركته وخاصة اننه طالع وهو زعلان علي .. يعني قصده انه مطنشني .. وتحسبون فيه سبب .. لا ... بس عشان رحنا نشتري شوي اغراض لاولادي قام قلي خذيها كبار عليهم عشان نفتك من الحنة .. قلت له اي حنه ... ترى انت ما تشتري لهم الا نادرا هذا غير انه من زمان ما شريت لهم يعني تقريبا من 8 اشهر ... وانا صادقه معظم ملابسهم ما يشتريها الا انا وهو من زمان ما شرا لهم الا استغفر الله قبل شهر شرا لهم كل واحد قطعتين من محل رخيص يعني حتى ما تصلح للطلعات حق بيت وشرا لهم قبل 4 اشهر حقت زواج صحيح غاليه ولكن مو معناتها انك تقول حنه ... قام قالي طيب الحين نروح البيت وافرزي ملابسهم القديم اررميه او تصدقيه وخلي الجديد عشان اشوف ان ما عندهم شي قلت له طيب بس انا في ملابس ابغى احتفظ فيها لانها غاليه وحلوه ابغى اخايها لو جانا بيبي جديد قال اجل افرزي الي شريتها والقديم منها انا بتصدقه ويوم فرزتها طلعت معظم ملابسهم انا شاريتها وهو ماطلع من عنده الا شي جديد يعني يقد عليهم الى الان ... قام جاب لي 5500ريال قال خذيها قيمة الملابس الي شريتيها بشتريها منك ... باقي لك 5500 ريال بجيبها لك بعدين يعني يسير المجموع 10000 ريال والله اذا تبغةن الحق ودي فيها .. لان توني شايفه مسج عنده محول 3844 ريال لوحده من الجنسية الي قلت لكم عنها صديقته من زمان وكاتب لها الحواله رقم كذا بالمبلغ كذا .. بس اني في نفس الوقت احس اني اذا اخذتها في شي بس مو عارفه ايش هوه ... المهم رجعتها له ... وهو في غرفة النوم وقلت له تبغى شاي .. مع اني والله ما ودي اكلمه بس قلت ليش اكبرها ... قال ما ابغى شي ... ورحت عنه وشوي الا واحد من عيالي يوم قام يعاند يبغى يروح بيت عمته .. وسمع صوته قام صارخ فيه وخاصمة وعصب عليه .. ودخل الغرفة لبس ملابسه وطلع .. وانا متأكده انه راح البحرين ... الله يعني عليه .. قولو امين



هذا الموضوع موضوعك اذا كنت تبغين تفضفضين .. يعني خلوها كاننا خوات ويولفون مع بعض نعلق على بعض وفي نفس الوقت نفضفض ..



شكرا لكم على وقتكم ومنتظره فضفضه من اي احد يبغى يفضفض