جلستي بعد يومين

الجلسه جلسة اصلاح او جلسة قاضي


الي اعرفه انه بالبدايه تمر على الاصلاح قبل القاضي اذا ما اتميتوا الاصلاح تحول للقاضي .
الاصلاح يجمعوا الزوجين بمكتب واحد مع مشرف او مشرفين يحاولوا يقربوا وجهات النظر في المشكله المتسببه للطلاق بالرضا مو بالقوه يعني لو اتمسكتي او اتمسك هو بقراره ما في شيء بالقوه في الاصلاح مثل ما قلت يحاولوا يقربوا بينكم . وممكن ما يحضر الطرف الاخر وهنا حيسألوكي اذا انت لك رغبه في الاصلاح فيحطوا لكم موعد ثاني للاصلاح ويبلغوا الطرف الاخر بالموعد اما لو مالك رغبه بالاصلاح فيعطوكي موعد للقاضي .
هذا الي اعرفه عن جلسة الاصلاح

انا صحبتي قريب اطلقت فراح اقولك الكلام اللي دار بينهم واللي قالته لنا..
في البدايه ع كلامها لازم تبيني لشيخ انك واثقه من نفسك وانك فعلا راغبه الطلاق
لانه لو حس القاضي شخصيتك ضعيفه راح يوقف مع الزوج بعتقاده احد حرضك ع الطلاق..
هيا حكت الشيخ كل شي عن حياتها ومشاكلها مع زوجها .هيا خرجت من بيتها واستاجرت شقه ماسكنت مع اهلها وفرشتها هدا كله قبل ماتتطلق.وقالت للقاضي حتى نفقه ماينفق عليا وابويا اللي يصرف عليا وع عيالي ويدفع اجار الشقه..
اتناقشو كثييير مع القاضي وبالاخير القاضي امر انهم يروحو لجنة اصلاح..هيا قالتله انا اسفه يشيخ ماابغ اصلاح انا عشت معاه ١٢ سنه ماتغير وياما اداني وعود انه يتغير ولا اتغير..تعتقد بساعتين راح يتغير..انا مصممه ع الطلاق
وحكم القاضي بلحظتها بطلاق وسالها ايش شروطك
وقالت شروطها ومن ضمن شروطها اولادي يسافرو معايا بكل مكان ماله دخل فيهم وافق الشيخ ع شرطها بس داخل السعوديه وخارج السعوديه يرجعو للمحكمه ومنها الشيخ يقرر بالموافقه او الرفض..يعني الابو ماله دخل نهائيا بعياله(مكتوب بصك الطلاق) .وطلبت ياخدو استقطاع من راتبه نفقت عيالها وايجار الشقه واتنازلت عن نفقتها..وطلبت انه يرجع كل ريال ابوها دفعها لها ولعياله والايجار..فالابو لحظتها قال انا متنازل عن الفلوس لاني كنت اصرف مااحسب كم لانها من طيب خاطر هذي بنتي وهذولاء احفادي.. ماعدا ايجار الشقه يديني هيا.وامر الشيخ الزوج انه يعطيهم فلوس الشقه فطلب يدفعها اقساط والقاضي رفض واداه مهله يجيبها وكتبوه تعهد وفلوس الايجار يجيبها للمحكمه بنفس اليوم اللي حدده القاضي ويسلمها للابو قدام الشيخ..
ع كلامها القوانين صارت بصف المراه عكس زمان كانت مع الرجل
اتمنى اكون افدتك بشي بسيط

الله يكن في عونكم

عليكم السلام ،زي ماقالت الأخت اللي فوق خليكي قوية وواثقة من كلامك واشرحي لشيخ بتفصيل بسبب رغبتك في الطلاق قريبة وحدة من صديقاتي علقها زوجها 8سنوات ولما راحت المحكمة تطلب خلع ماعرفت تتكلم مع الشيخ وكانت في لحظة ضعف حكم الشيخ ان ترجع لزوجها ورجعت المسكينة وبعد شهر رجعو للمشاكل ورجع يعلقها مره ثانيه المسكينة ،ولو تكتبي الكلام في ورقة يكون افضل قريبتي كتبت للقضي تفاصيل مشاكلها مع زوجها قرأها الشيخ وخاصم زوجها على اللي سواه فيها وحكم الان تطلقها ،الله ييسر أمرك

الله يعينك