جلطه في الدماغ

السلام عليكم

كيفكم يالغاليات زمان عنكم

اخواتي انا لي اسبوعين أصابتني جلطه فجأه قمت من النوم مااقدر احرك رجولي وانتوا بكرامه ولا يديني ولا كنت احس فيهم عيالي وزوجي طلبوا الإسعاف وجو اخذوني تنومت في المستشفى ١٠ ايام بعدها طلعت لكن رجلي الله يكرمكم مابعد رجعت طبيعي ولا يدي الحمدلله امشي طبيعي واحرك يدي لكن مازالت الآثار فيها مقدر امسك زين الاشياء خصوصا الحار
اخواتي انا من يومها صار فيني خوف ورعب من كل شيء خصوصا من الدرج الصعود له أو النزول منه
حسيت ثقتي بنفسي راحت والقوه اللي كانت فيني ضعفت.. احس انكسر في نفسي شيء
حسيت ماراح ارجع مثل قبل مع اني تحسنت الحمدلله متوكله على ربي متفائله وعندي ثقه بربي بس الخوف والرعب مازالوا فيني..

كتابتي لكم اذا احد من قرايبكم تعرض للنفس حالتي ورجع ولله الحمد طبيعي طمنوني
وايضا فضفضه لان في قلبي مشاعر ومحد حاسس فيها ومحد فاهمني من اللي حولي يتوقعون بس مشكلة المشي والحركه

لكن اللي فيني اهم ممكن نفسيتي جدا سيئه واحس ماراح ارجع مثل اول انكسرت ثقتي بنفسي والرعب والخوف اللي بقلبي

الحمدلله محافظه على الأذكار والرقيه بس شي غصب عني

شاكره لكم ولكل من تساعدني بكلام جميل او تجربة احد قرايبها