جلطه في القلب ..رجاء يامشرفات اتركو الموضوع هنا ♡

السلام عليكم ورحمة الله 
اخواتي الفاضلات عندي مشكله وحابي اعرف الي عندو حدا مر بهادي الحاله او بتعرف عنها تخبرني جزاكم الله خير وياريت يامشرفاتنا العزيزات لاتنقلو الموضوع اذا ماكان هدا مكانو المناسب ..
اخواتي لي شهر ونص اشعر بإعياء شديد جدا هبوووط بالجسم كانو مفكك اذا احسنت التعبير وتعب وصداع مستمر لدرجة انام واصحى وهو موجود وتنميل بالاطراف اليد وضيق تنفس شديد ودوخه لدرجة احس اني على وشك فقدان الوعي واجاني مرتين اغماء وخفقان بالقلب سواء عملت مجهود اولا ولافيني حيل اعمل اي شي بس بفراشي اهملت بيتي وبناتي وزوجي رحت تلات دكاتره كلهم اكدو انو من فقر الدم عملت تحليل طلع 9.6وانا حامل ببداية الثامن مع انو طول عمري دمي كان 7مع حمل او بدون وماكنت احس بهادي الاشياء واعطوني ابر حديد ومافي فايده حكولي نعمل نقل دم بس مارضيت لانو لازم تنويم وماقدر اترك بناتي ماعندي حدا يتابعهم حاليا بس من تلات ايام اجتني حالة ضيق تنفس شديد بالمره مع تعرق وخفقان شديد لمدة خمس دقائق وراحت  وتاني يوم نفس الشئ استمر نص ساعه مع الم شديد بالصدر يعني كنت حاطه ايدي على صدري من الوجع والهت واحاول اخد نفسي مع الم بالرقبه وثقل باليد اليسرى وهبووط بالجسم بعدها تحسنت  اليوم شفت حالي احسن قلت اقوم انظف الدولاب تبعي يادوب عملت كم شغله وكنت الهت كاني في سباق جري بس تحملت بالسابق ماكنت اقدر اتحمل  بعدين جلست وهنا كانت الصاعقه حسيت روحي بتطلع الالام شديده ماعمري شفتها من تحت الثدي الايمن والايسر جاي كدا لف من قدام لوره لفوق اكتافي صدري رقبتي حتى البلعوم ما ادري هدا اسمو ﻻولا والهث وابكي بشده لاني تالمت بشده وماعندي احد غير بنتي الصغيره ما انسى شلون صارت تبكي لما شافتني كدا والحمد لله عدت ع خير كانت مجرد دقيقتين تقريبا ..والان حاسه بالم بيدي اليسار مع الرقبه وصدري الجهه اليسار بس محتمل جدا وغثيان .
هل هدا ممكن يكون جلطه بالقلب ؟؟
مغلش طولت بالحكي بس مالي غيركم بعد الله لاني قلقه وخايفه 
تحملوووني فرجها الله على الجميع ...