جلوس شفاف يخلي شفايفج ممتلئه وطبيعيه كانج ضاربه ابر

يا هلا ومرحبا فيكم
حبايبي عندي لكم خبر
رحت البارحه باريس غاليري
ولا شفت جلوس شفاف من ماركه ديور
هالجلوس تخلينه على شفايفج مده خمس دقايق لين ما تشوفين ان شفايفج كبرو شوي
شوي مب واااااااااااايد:09:
يعني يعطيج لوك طبيعي
وهو منتج يديد
ولونه شفاف ومن بعده تقدرين تحطين فوقه روج او تحديد ويوم تشيلينه ينتهي كل شي
انا اقولكم على كلام البياعه
وانا الصراحه ما اشتريت لانه الحمد لله شفايفي ما يبالهم زود ما فيه ازيدهم :)
فانا قلت يمكن شي بنات يبون من هالنوع من الجلوسات
بس لا تشترون الا بعد ما تجربون هناك
لا تقولون ما قلت لكم
لانه الناس اذواق
واللي جربته تخبرنا
:)