Aشاي اخضر بسكرA @ashay_akhdr_bskra

عضوة مميزة

جَمالك له دور بشخصيتك مع اسرتك ومُحيطك,بطلي كَسل واهتمي(2)

صَباح / مساء النشاط والمُتعه..

خُدو بالكم النشاط يرتبط بالمُتعه مانستمتع الا اذا تنشطنا ، وما نتنَشط الا اذا حسينا بااهمية المتعه الي ممكن نلاقيها بالنشاط ..

يَعني هالاثنين ( النشاط والمتعه بينهم عَلاقه طرديه )

مَاعلينا ..

كيف صِحتكم ؟

موضوعي للتَوضيح بشكل عام ورداً على الرسائل الي تجيني ع الخاص بخصوص موضوع جَمالك له دور بشخصيتك مع اسرتك ومُحيطك,بطلي كَسل واهتمي(1)

كَثير من البنات الي راسلوني يتَكلمون عن ان موضوعي فيه سَطحيه ، وان الحياه اكبر واهم من الشَكل ..

للاسَف البعض منهم ماقدرت ارد عليهم لان تعبت اشرح المغزى واصلاً موضوعي كان شديد الوضوح ..

لكن اذا كان مَحسوب لي اني سطحيه بهالشي ، فـ اهلاً بهالسطحيه الي فيها نشاط وحيويه وثقه بالشكل الي الله عَطاني ..

البعض اعتبر موضُوعي جارح ، هو مُمكن يصحي جروح او ( ضمير كسلان نايم عن ما يخص الاهتمام ) فـ ازعجهم الامر ..

خذوا الامر من نَاحية ايجابية واتركو اسلوبي ( مع العَلم كثير انقال لي ان اسلوبي سلس وواضح)

الشَكل يظل من الامور المُهمه بالحياة ، قلت ( الشكل ) مو الجَمال !!

الشَكل يتضمن الهيئة ( هندامك، شعرك ، وجهك ، جلدك)

الشَكل الحلو ماله خص بالماديات الخياليه على فكره .. طالعو بطلات المسلسلات يمثلون شخصية بالمسلسل وتكون ملابسها عاديه مش ماركات معروفه وغيره ( لكن طالع عليها فتنة) ليش؟

لأن اسَاسها حِلو ..

وعَرفت لنفسها وعرفت تنسق الي يناسبها !

تَشتهر شخصية البطلة بالعَالم العربي وتصير اجمل بنت شافوها !! هل هم يتذكرون ملابسها من اي ماركة؟ او المجوهرات من وين ؟

لاَ

هي وجَدت سناريو حلو + شَكل يساعد+ الاهم جاذبيه بدون ابتذال ..

المُخرج الشاطر يعرف كَيف يخلي حتى نظرات عيون المُمثله تعبر عن الفتنه والجمال ..

الأمر يبغاله ذكَاء وعَدم ابتذال ..

بالحَياة الواقعية مافيش مُخرج لكل وحده ، انتي مُخرجه لنفسك .. انتي تشوفين وش يناسبك ووش يزيدك جَمال ، وكيف مُمكن تطورين شكلك ، اسلوبك.

دامَنا بهالدنيا لابد نتعَلم ونفهم ان معظم الناس ممكن نص جمالهم مخبى ، لانهم ماعرفوا كيف يتَصرفون ويتعاملون مع شخصياتهم واشكالهم .

الذكية بتفهَم كلامي ..

وبتقدر اكثر ان الاهتِمام بالشكل يعكس الاداء بكل شي ( بيكون الاداء افضَل واقوى وبرضا اكبر )

ابسطها كـ بنت وتَبين تطبخين بشكل يومي او ايام بالاسبوع ..

لو مابجسمك لياقه او نَشاط راح تتعاجزين تطبخين ، او بتطبخين بنفس مسدوده .

لكن لو عندك لياقه او نَشاط بتبدعين ، حتى لو خَبصتي نفسيتك بتكون اوك .

شَغلة مهمه ..

البِنت الي ماتسوي رياضة ولياقتها صفر كيف عايشه ؟

هل تلعب وتجري وتستمتع بصحتها وشَبابها ؟

ام كل حركه ثقيله و جسمها مايعرف الركض او اللعب باستخدام نَشاط بدني !!

مَغزى كلامي .. الحياة فيها متعه كبيره باللعب والنشَاط ، وبالثقه واستغلال كل شي ممكن يخلينا نشعر بالرضا تجاه شكلنا وشخصيتنا .

البعض لسه يشَاور نفسه ، (هل نبدأ نهتم او ماعندنا وقت ؟) :crap:

المشاورة مع النَفس الكسوله .. ودت البعض بستين دهيه ..

التَأجيل بهالزمن يعني ضَياع الوقت ، ضياع الوقت يعني ضَياع الفرصه ..

الغريب ان البَعض مايعترف بالرجيم او الدايت ، وبكل فَخر تقول انا ضد الريجيم ! ليش احرم نفسي من الاكل ؟ ( وهي اصلاً وزنها زائد)

الرجيم بهالزمن مايعتبر حرمان ، بل يعتبر تهذيب لشهيتك الي زودتي عيارها من( ملل، تعب نفسي، او تعبير عن الراحه النفسيه بزيادة الاكل الغير صحي ..)

القَناعه كنز ، كل وَحده تعرف نفسها مهما عاندت مع البشر .. الرجيم لحَاله ماينفع ، لابد رياضه .. والرياضه لحالها ماتنفع ، لابد تهذيب شهيتك واختيار اكل صحي معظم الايام .

مااتوقعها معادله صعبه ابداً ..

الجَمال والمظهر المرغوب مايجي بسهوله ، ومرات مايجي بصعوبه اذا تصاحب مع ارادتك (نشاط ومتعه)

والي تِبدأ تهتم ، وتراعي انوثتها ، وتسوي رياضه .. اكاد اقسم ان حياتها ونفسيتها بتكون افضل بشكل مَلحوظ ..

ابسط مِثال ولو انه يسد النفس لكن ابي المعلومه توصل ..

الوحده لما يخونها زوجَها وهي وتكتشف وتسوي فلاش باك ( تستعيد الذكريات وتطالع بشكلها) وتلاقي انها مهمله نَفسها ومااشتغلت على نفسها بتكون حزينه ومكسوره ، بسبب هالخيانه ، وبسبب انها حَست ان مظهرها واللايف ستايل حقها نُبذ من قبل زوجها .

فتكون ردت فعلها مجروحه ..

لكن لو كَانت العكس ، لو كانت مهتمه بنفسها وصِحتها وشكلها .. واكتشفت ان زوجها يخونها .. راح تعلو مشاعر القهر والغضب عندها.. مو مشاعر انسانه مكسوره مهي واثقه من شكلها..!

الحَياه يبغالها وعي وادراك .. مانقدر نضمن انه لن نتعرض لقهر ومشاكل ، لكن ممكن نضمن اننا نكون مُسلحين باسلحة ممكن تخلينا نكسب او نطلع بـ أقل الخسائر ..

هالاسلحه قُوتك ، ثقتك بنفسك وحُبك لها، نشاطك واهتمامك.

كوني ذكيه واستغلي كَونك ( على قيد الحياة) واشتغلي ..

نص جمالك مُخبأ تحت اهمالك ..

ملاحظة : حِسابي انستقرام لو بحط فيه صور توضيحية للرياضه او غيره اتمنى مَحد يعترض ..

اولاً هو حسابي انا ..

ثانياً احنا بنات وفيه امور يبيلها شرح حتى تصل الفكره ..

اتمنى التفهم ..

موفقين ياحلوات ..

12K

يلزم عليك تسجيل الدخول أولًا لكتابة تعليق.

تسجيل دخول

سأكون كما اريد • 10 سنوات

لايوجد انثى قبيحه يوجد انثى ماتعرف تهتم للاسف انا كسوووووووووووله وتحت اهمالي يختبئ جمال لكن الكسل حارمني من امور كثيره

+هدوء+ • 10 سنوات

بصراحة كلامك اروع من رائع انا لسى ببداية الثلاثين وحسيت اني في الستين مع اني اسوي رياضه بس فييين وفيين لكني الحمد الله ماانقطع مره بس بعد شفت عجوز ونشيطه في برنامج امريكي وتجري وتقفز وكنا شباب وزعلانه على شويه تجاعيد جاتها وتقول احسني في العشرين قلت سبحان الله انا احسني عجوز ونا دوب دخلت الثلاثين ويوم اشوف شكلي احسني اصغر بس الصحة من الله بس الاكل الصحي والرياضه لها دووور

+هدوء+ • 10 سنوات

+هدوء+ :

بصراحة كلامك اروع من رائع انا لسى ببداية الثلاثين وحسيت اني في الستين مع اني اسوي رياضه بس فييين وفيين لكني الحمد الله ماانقطع مره بس بعد شفت عجوز ونشيطه في برنامج امريكي وتجري وتقفز وكنا شباب وزعلانه على شويه تجاعيد جاتها وتقول احسني في العشرين قلت سبحان الله انا احسني عجوز ونا دوب دخلت الثلاثين ويوم اشوف شكلي احسني اصغر بس الصحة من الله بس الاكل الصحي والرياضه لها دووور

بصراحة كلامك اروع من رائع انا لسى ببداية الثلاثين وحسيت اني في الستين مع اني اسوي رياضه بس فييين...

وايش هو حسابك في الانستغرام

دنيا غريبة ♡ ♡ • 10 سنوات

راااااااائع جدا كلامك وعين العقل وكل كلمة فيه صحيحة جدا وواقعية

واللي يحب نفسه بحق رح يهتم فيها وفي الأشياء اللي تفيده ويبعد عن كل شيء رح يضره

بس انا مايقهرني الا اللي تجيك وتقول ليه عامله رياضة ورجيم ماله داعي اصلن هي راضيه بنفسها وشكلها الحالي ومدري ايش
طيب انا ماسألتها عن نفسها هي اللي تكلمت يعني هي اذا تكاسلت ماتبي الباقي يهتمون بنفوسهم وحتى الجمال والعناية بعض الحريم الله يهديهم لازم ينتقدون على الطالعه والنازله واذا شافوا واحدة متغيره وشكلها صار أفضل اكيد هذه مسويه عمليه او ابره تبييض و و و و ولا خلطات كنها مسويه جريمه اذا اهتمت بنفسها
طيب ببساطة اهتمي بنفسك ورح تلقين اللي يرضيك
انا قلت البعض مو كلهم لكن ياكثر هذه النوعيه

آسفه اختي طلعت عن الموضوع شوي
بس صج هذا الشيء موجود وبكثره في مجتمعاتنا

دنيا غريبة ♡ ♡ • 10 سنوات

+هدوء+ :

وايش هو حسابك في الانستغرام

وايش هو حسابك في الانستغرام

وانا بعد ودي اعرف الخطوات حق الرياضه
البنت رياضية :cool: