جمال ابتسامتك بنظافة أسنانك و فمك 👄🌸💧🦷

اهلاً اهلاً مساء الخير يا جميلات

اغلبنا يحب القهوة و الشاي ☕️🫖🧋وفيه منا مدمن هالمشروبات ما يمر يوم إلا وهي او هو شاربين اكثر من فنجان او كوب
واكيد نتيجة الأستهلاك المفرط راح تصفر الاسنان و راح تظهر ريحة سيئة
زين وش الحل إذا انا ما يمر يوم إلا و القهوة او الشاي بيدي ! 🤦🏻‍♀️
كل الي علينا نسويه هي الاهتمام وما اقصد الاهتمام الي هو نفرش اسنانا و نتمضمض بغسول فم لا لا هذا اكيد كلنا نسويه و بشكل يومي و دوري اقصد الاهتمام الثاني الاهتمام الجمالي ممكن او سموه الي تبون🤷🏻‍♀️😂

عشان نهتم لازم يكون عندنا هالمنتجات لاسنان وهي :

- معجون اسنان يومي مناسب لنا
- معجون أسنان للتنظيف و التلميع و التبيض يستخدم مرتين بالأسبوع كحد اعلى لا تزيدون لأنه بأذي اسنانك
مثل ( ديبوردنت ) هذا فنان من اول استخدام تبان النتيجة تحصلونه بالصيدليات سعره ما بين ٣٠ لل ٤٠ ريال يختلف من صيدليه لصيدلية
- غسول فم طبي لو سويتوا تنظيف أسنان بالمستشفى يصرفون لكم او ممكن تشترونه
- احرصوا على نوعية فرشاة الأسنان 🪥 لازم تناسب اسنانكم
- تنظيف الأسنان من الجير كل ٦ شهر في المستشفيات بالسعودية عندنا التنظيف مجاني يارب لك الحمد 🤍🤍
- تفريش الأسنان بالطرق الصحيحة لاحظت الاغلب ما يفرش اسنانه بالطرق الصحيحة 😩
بحط لكم رابط فيديو باليوتيوب لتفريش الأسنان بأحدى الطرق الصحيحة 👇🏻🦷🪥


بكذا نكون انتيهنا من موضوعنا الجميل
اتمنى اكون افدتكم 🤍🤍