مع اني دايما في ذا القسم اتابع بصمت وما ارد
ومع اني عارفه الحكم الشرعي لهذي القضية
لكن لما بنت في عز الشباب تاخذ شايب يتجاوز الستين ..ماني قادرة اتخيل علاقه زوجية بينهم يمكن علاقة ابوة او تمريض او احسان ....
ياهوه احس قلبي يوجعني واحس بغصة واحس بغبنة قوية
لكن مانقول الا لاحول ولا قوة الا بالله
والله ييسر للجميع

مافيه وحده تاخذ شايب تنبسط ....بس هذا قدر

انا متزوجه واحد في نهاية الأربعين لأن ما جاني غيره

وما أحس اني تعيسه و احتاج شفقه الحمد لله على النعمه

و الحياة قناعة ورضى :27:

ايه للان فيه ناس كذا
تدرين فيه ناس اعرررفهم عندهم من عاداتهم ان البنت تاخذ من اقاربها حتى لو كانوا منحرفين
وكثير من اقاربهم منحرفين ومتزوجين قريباتهم ، ولو ايش يصير بينهم مايتطلقون !!!!
وحده من اقاربهم يضربها ويجوعها ويهجرها مايدخل البيت بالشهور ومع كذا ساكته واهلها عاااادي ومايبونها تجي عندهم يقولون نخاف تطلعين الا هو جاي ومايشوفك بالبيت يقوم يطلقك!

وفيه ناس برضو عندهم البنت اذا عدت 20 سنة خلاااص يزوجونها لأي احد لأن جماعتهم بيتكلمون عنها انها كبيرة وماتزوجت اكيييد فيها شي

فيه اهل مثل كذا ، مثل مافيه اهل ياكلون ورث بنتهم او اختهم ، وياكلون راتبها واي ريال لها
فيه ناس ماتخاف الله

الحمدالله الذي عافانا مما ابتلاهم ، والله لما اشوف هالحالات احممممد ربي على اهلي
للاسف فيه اهل يستغلون قوامتهم على بنتهم بأنهم يلعبون بحسبتها ، ومايخافون الله فيها

تدرين تذكرت واحد شاااااااايببببب بالثمانين يمكن بس بصحته يعني مو طايح
مرضت زوجته وقام تزوج وهو ابو 80 تزوج وحده بالثلاثين وجلس معها كم سنة وطلقها يقول كبيره !!!!!!!!!
ودلوه ناس على واحد عادي عنده يزوج بناته لواحد مثله
المهم راح للرجال قال الرجال له باطلع لك كل بناتي وانت اختار!! وفعلا طلعهم والشايب اختار وحده عمرها 17
وسوا المستحيل وعمليات وخرابيط عشان يجيب طفل منها وجاب هالطفل من زوجته الطفله