اتصلتو علي خواتي اليوم وقالولي انهن بيجون بعيالهم يسمرون عندي وقالولي لا تسوين عشاء لانهن بيجيبون معهن اطباق العشاء واحنا كلنا ثلاث وعيالنا ما يتعدون السته كلهم مع بعض لكن طبعا ما يصير لابد ادخل واجهز كم طبق فسويت ورق عنب و سمبوسة سعوديه وحلا الكاسترد والجلي
ومع القهوة جهزت دونات للاسف ما صورتها
وحطينا الشاي وبعد ما صورته حطينا معاه فشار وشيبس دوريتوس وتغميسة جنان عباره عن 2م لبنة +علبة زبادي+م ص كمون+شوية نعناع مطحون +2م مايونيز
المهم زين اني ذكرت اصور العشاء لاننا كنا فاتحين فمنا على عرب ايدول الله يهدينا وياك نبي نعرف من بيفوز
ذكرتني بنت اختي وقالت لي خالة ما ودك تصورين زي دايما خخخخخخ مذيتهم بالتصوير
هذي اطباق العشاء:
اختي ام مصعب جابت:لازانيا الكيكة المالحة بالدجاج
اختي ام سلطان السلطة وتراها سلطة عادية خيار وجزر وطماطم مقطعتها كبار ومعها ذرة وحطت صوص عليها وهو كاتشاب ومايونيز وزبادي ورشة ملح والخبز المحمص من فوق مادري وش اسمه بنكهة الزيتون
وانا اطباقي سمبوسة سعودية باللحم و ورق عنب وحلا الكاسترد والجلي وطبعا الاطباق الي سويتها باكتب طريقتها بالتفصيل والي ما سويتها لا تسالوني عنها ترا مادري والله عن الطريقة:eek:
بسم الله ماشاء الله تبارك الله
يتـــــــــــــــــــــــــــــــــــــــــــــــــــــــــبع
لا تقطعون الموضوع لو سمحتو
المقادير>>
كاستين أرز مصري منقوع بماء حار_نص عقده نعناع_ربع عقده كزبرة_ربع عقده بقدونس_ربع عقدة شبت-ملح -الليمون وانا احبه حامض فاعصر 4 او 5 ليمونات_ ملعقتين من دبس الرمان ملعقة راح نستخدمها بالحشو وملعقة راح نشتخدمها للسقو_2 قرن فلفل حار_2حبات متوسطه بصل_6 فصوص ثوم _3 حبات متوسطه طماطم_2مكعب واحد ماجي واحد بنستخدمه للسقو والثاني للحشو- م ص بهارات- م ص كمون_فنجال شاي زيت زيتون_علبه ورق عنب العلالي اذا مالقيتي العلالي لاتشترين ورق عنب و انا استخدمت نصها لان احب ورقة العنب تجي محشية لكن اقدر اضمن لك انه بهالكمية ممكن تسوين علبة كامله.
الطريقه>>
*نفرم البصل و3 فصوص من الثوم في الفرامه فرم ناعم ونحطه في قدر عميق مع نص كمية زيت الزيتون ونحركه على نار هادية جدا الين يصفر.
*نفرم الطماطم في الخلاطالكأس ونحطها على البصل ونحط كل البهاراتوالملح والليمون نحط نص الكمية بس ونخليها الين تنشف مويتها
*ونحطالارز على الكشنه ونضع نص كمية الدبس ونخلطها مع بعض ونخليها شوينين على نار هادية مع التحريك ثم نحط كل الاوراق وتكون مفرومه فرم ناعم
*نقطعشرايح بصل او طماطم او بطاطس ونحطها اسفل القدر طبعاً قدر الضغط(الكاتم)ونبدءنلف الورق ونرصه عالبطاطس.
*بعدما نخلص لف نحط كاسه مويه في قدر صغير نذوب فيها مكعب واحد ماجي على النارونحط نص فنجال شاي زيتزيتون مع باقي الليمون ورشة ملح وملعقة الدبس.
ناخذ باقي الثوم ونقسمة نصين كل فصه ونرميها على ورق العنب والقرون الفلفل كمان نقسمها نصين كل قرن ونرميها على ورق العنب
ثم نصب السقوة الي بالقدر الصغير على الورق ونجيب صحن بلاستيك نحطه على ورق العنب للتثبيت ونحطوا عالنار لمده نصساااعه والنار تكون هااااااديه.
وبعدها تمتعي بورق عنب لذيذ حامض وحاااااااااااار يمي يمي
بعض النصايح لمن ينضج الورق وتفتحين عنه القدر لا تفتحينه كله افتحي شوي منه وتاكدي من نضج الورق والحشو ثمغطي عليه وخليه الين يبرد تماما هذا عشان ما يتغير لونه ويسوووود ويضل محتفظ باللون الاخضر
السمبوسة السعودية
3ك دقيق بر-نص ك زيت-بيضة-مويه للعجن والحشوة الي تحبين انا حشيتها لحمة مفرومة
حلا الكاسترد والجلي
عباره عن طبقتين
الاولى بالخلاط ثم على النار الين يثقل:3 م كاسترد-1ونص م حليب بودره-3جبن كيري-3م سكر-رشة فانيلا-4ك ماء
الثانية جلي بالنكهة الي تحبين
طبعا تعملين ط1 وتحطينه بالثلاجة يجمد ثم تحطين ط2 عليه وترجعينه للثلاجة
و هذا صحني نقدس صحون الاستهلاك ههههههه
وبكذا انتهينا دعواتكم لنا بصلاح النية والذرية