حلوه افكاركم بس تجيب التعب!!!!!!
بالعربي لازم عندك شغاله ولا مستحيل تسوينها
كان مايجون البنات الا وانت منتهيه مايسوى عليك هالعزيمه!!
بصراحه اذا كانت جمعة بنات احس فيها نوع من التكلف اللي مو في محله!!
بأقولكم طريقتنا انا والشله بس قولوا ماشاءالله<<خخخخخ
طبعا كل مره عند وحده طيب؟
واللي عليها الدور.....
تسوي نوع حلا واحد وقهوة بس!!
واذا سوت شي زياده بتنجلد خخخخ
والعشاء <<<<بتضحكون علينا
قطه ..كل وحده تدفع وجبتها ..
والله يابنات ان جمعتنا خفيفه وبسييييطه وسعة صدر
عشان كذا اذا جينا نجتمع مانشيل هم
ومانخطط قبل بوقت عادي
مثلا اليوم نقول بكره فاضين يالله نجتمع..
لان الهدف من الجمعه الفله والقعده وتكونين متفرغه لهم اذا جو
موب رايحه جايه..
انا هذي طريقتي مع البنات حبيت اوصلها لكم..
حسب انتي من النوع الي تسوين عشاء ثقيل ولا خفايف
انا عندي بعد فتية وكنت اخذ فكرة
ليالي نجد ممكن اعرف ايش سويتي بيوم الماكولات البحرية بليز؟؟ اعطيني فكرة
ودمتم بود
انا عندي بعد فتية وكنت اخذ فكرة
ليالي نجد ممكن اعرف ايش سويتي بيوم الماكولات البحرية بليز؟؟ اعطيني فكرة
ودمتم بود
الصفحة الأخيرة
فأنا لو مكانك سويت التالي:
احط ترمسين موية حارة وجنبها صينية انت تختارين طبعا طقم الصياني المقدم فيها الاكل تكون كلها شكل متناسق مع الثاني .. يعني مو تحطين صحون من الصين وصحون قزاز وصحون مدري كيف جاية مالها دخل (تحطين لونها واحد وتكون بشكل متقااارب قدر المستطاع)
نرجع للصينية .. اللي تحطين فيها بكتات كوفي 3في1 وشاهي احمر وشاهي اخضر وورق نعناع..
وترمس ثاني مسوية فيه قهوة عربية الله لايحرمنا منها..
اما حلى القهوة ممكن تجيبين لك صحن فيه انواع بسيطة من التشوكلت الجاهز لأن فيه ناس يفضلونه على حلى البيت.
بس لاتتعدين وتحطين اكثر من 3 انواع.. .. وانصحك عشان الشكل بإم اند امز ومالتيزرز وممكن تويكس او كت كات..
بالاضافة الى حلى انت تسوينه وممكن انك تجهزينة قبل بيوم..
وانصحك بهالنوع لأن الكل انبسط عليه واعجبه لما سويته.
اللي هو تجيبين لك لوح تشوكلت من السوبرماركت نوع شوكلاته فاتحة ونوع شوكلاته بيضاء(يجي 200جرام)
وتسوين حمام مائي لكل واحد لحال .. يعني تفصلينهم
وبعد مايذوبون تضيفين ملعقتين كبار على التشوكلت الفاتحة ..
وتجيبين الصينية اللي فيها دوائر صغيرة وتجيبين معها ورق على نفس حجمها وتحطينها في الصينية كل حبة ورقة في فتحة الدائرة.
وتاخذين الشوكلاته الفاتحة وتحطين منها ملعقة صغيرة في الورق حق الحلى.. وملعقة من النوع الثاني ..(الشوكلاته البيضاء)
وبعدها تاخذين عود أسنان وتفرينه بشكل دائري في نص الورق وراح يطلع خطوط من الغامق ومن الفاتح..
بعدين نرجع لأنواع الحلى . . احب تضيفين لهم دونات من كريسبي بس لاتكثرين لأنهم راح يشبعون ولا يتعشون.
اما بالنسبة للشاهي فأنا افضل انك تخلين الشي اللي تقدمينه معه هو نفس الاشياء اللي عالعشاء وتزيدين للعشاء الرز والمشاوي.
وراح تقولين لي كيف واقول لك انك تجيبين لك فطاير حلوة بجميع انواعها وانصحك بمنؤشة اذا كنت من سكان الرياض..
وتجيبين بيتزا نوع واحد بس ماتزيدين عليه والافضل انه يكون دجاج بالخضار او لحم بالخضار... او اي شي تحبينه.
وتجيبين لك ورق عنب وممكن يكون من برا او من تصليح البيت.
وتسوين انت رز صيني او رز عادي وتحطين تحته شمعدان عشان مايبرد ..
وترسلين السواق يجيب لك مشاوي مشكلة وتوصل اول ماتخلصون قهوة .. يعني ماتكون من زمان واصلة ..
وتحطين جنبها اللي هو عليه الكلام ---------- > الميكرويف.
عشان اللي حابة تسخن شي تاكله مع الشاهي والا بعد الشاهي مع العشاء..تسخن وتاكل بالهناء والعافية.
وبعد ماتنتهون من العشاء تسوين الحركة اللي قالتها احد الاخوات ..اللي هي حركة الهدايا مرررة تجنن..وان شالله انا بسويها
واتمنى ان اللي كتبته لك اعجبك لأني حاولت اني ما اكثر بحيث تكون الجمعه رسمية وما انقص بحيث يكون كل شي عادي وما فيه حركات واكشن.
لحظة (نسيت اقول لك عن العصيرات لاتنسينها)لأنها مرررة مهمه عند بعض الناس.
والله يوفقك يااارب