السلآم عليكم ورحمة الله وبركاته ...
مسائــكم / صبـــاحكم سكر
قررت اني احط كل طلباتي بموضوع واحد ,,, بدال موب كل طلب واستفسار بموضوع بس عاد كل من دخل الله يجزاهآ خير الي تعرفه ترد عليه ومسامحين بالباقي
أول شيء انا كنت ناوية افصل فستان وحطيت موديلآت بس ماجازت لكم وبعدين انا غضيت البصر لآنها صعبة افصل عند خياطه بمنطقة ثانية فقلت ابشتري جاهز من حياة مول <<< كثير الي مدحوه بالنت وبرا النت
^^^
الفسان خلصنا منه
نجي للتسريحه والميك آب أنا ابروح بعد يومين للرياض واحجز عند (شيفون ) بس مين تنصحوني فيه تسريحه وميك اب ... على فكره شعري قصير ودورت صور لتسريحات للشعر القصير مالقيت كلش يجيبون قصات ابي تسريحه ماحصلت .:(... بس قلت اتوكل على الله واشوف ... وكم اعربن للشيفون ناس قالوا لي 500 <<< هو صدق وإلآ عشان احسب حساباتي
خلصنا من الشعر والميك تذكروا الشعر والميك اب له ثلآُث استفسارات كم العربون ؟ ومين تنصحوني فيه ؟ واذا امكن صور لتسريحات شعر قصير ....
الحين نجي للاكسسوارات والجزم ( طبعا شنطه مااابي لآني اخت العريس ) شغل وشغيل وش لي بالشنطه
المهم من وين تنصحوني اخذ الجزم والاكسسوارات ....
ونجي لآهم شيء وهوالي شاغالني القاعه الي حجزناها عندهم دي جيه وطق اسلآمي ويقولون اذا تبين اغاني حديثه انتي جيبيها واحترت مدري من وين اجيبها ووش اقوله ووش اطلب
انا الي في بالي عادي اغاني المطربين والمطربات بس وش اقوله ووش المحل الي يضبطهم لي ؟؟ ياليت بالقصيم اذا مافيه بالقصيم عادي لو بالرياض لاني بطلع له اخر هالاسبوع
وكم يبيله على بال مايخلصهم لي وكم الاغنية الوحده ... طبعا انا ماابي زفه بس شعر ترحيبي بالضيوف نشغلهم قبل لآيبدا الردح هع ( الرقص )
أدري كثرت طلباتي سامحوني ,,, وشكرا :26:
هيووووودة @hyoooood
محررة برونزية
يلزم عليك تسجيل الدخول أولًا لكتابة تعليق.
REEM-A@
•
UP
الصفحة الأخيرة