جمعه ودعاء مستجاب

السلام عليكم ورحمة الله وبركاته
كيف الحال والاحوال؟
باختصار وبلا طول سيرة اليوم الجمعه واحنا باخر ساعات هاليوم الي دعوة فيه مستجابة
وبما انو اهم شي بحياتي كشخص وحاية كل فلسطيني وحياة كل مسلم هو المسجد الاقصى
فطلبي هو الدعاء للمسجد الاقصى بالتحرير ما بدي اغلبكن واحكي ادعو لفلسطين ولا للشبابها ولا تبكو ع اوضاعنا
طلبي بسيط ادعو للاقصى اعتقد انو مش ملك للفلسطينين لحالهم بتذكر انو في احاديث كثيرة لرسولنا عنه وايه بسورة الاسراء
سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ (1)

عن أبي هريرةرضي الله عنه عن النبي صلى الله عليه وسلم قال: "لا تشد الرحال إلا إلى ثلاثة مساجد: المسجد الحرام، ومسجد الرسول صلى الله عليه وسلم، ومسجد الأقصى."
يعني هالحكي مش من عندي الاقصى ذكر بالقرآن وذكر بالسنة فياريت كل وحده تدعي لهالمكان المقدس وحباة اذكركم
عن زياد بن أبي سودة عن ميمونة مولاة النبي صَلَّى اللَّهُ عَلَيْهِ وَسَلَّمَ؛ أنها قالت:
يا رسول الله! أفتنا في بيت المقدس؟ فقال رسول الله صَلَّى اللَّهُ عَلَيْهِ وَسَلَّمَ:
" ائتوه فصلوا فيه- وكانت البلاد إذ ذاك حرباً-، فإن لم تأتوه وتصلوا
فيه؛ فابعثوا بزيت يُسرج في قناديله "

فبما انكم مش قادرين توصلو ووع فكرة حتى احنا ما بنقدر نصله الا اهلنا بالقدس وبالداخل ووسط تشديدات كثييييرة ومعقدة
وبما انو مش قادرين تساوو اي شي ولا ترسلو حق كهربته ولا اي شي اقلها الدعاء باخر ساعه بهاليوم وانتن واثقات بالاجابة لانو الاقصى بحاجة لدعائنا كلنا