ضاعت أيامي>>>>>>>>>>>>ياحبي لك بس على طبية قلبك

الله يعين الجميع

اللة يعين يا بنات فعلا في مشاكل مرات تنغص حياة الواح لليل ونهار

انا اكثر شي مشكلة منكدة عيشتي اهل زوجي مرات استغفر الله اقول ياريت زوجي مقطوع من شجرة
هو شي و اهلة شي ثاني

و المشكلة الاكبر والي تفقع المرارة امة تبغى تعيشي عندنا مع ان معها اربع عيال غير زوجي و كلهم متفرغين يشتغلوا بدوام واحد و حريمهم مش موظفات و عندها بنت وحيدة متزوجة وغير موظفة

بس مدري ما غير ناشبة بحلقي و ما يعجبها العجب وكل شي تعايب علية وياريت قدامي الا من ورايا وقدامي مسوية نفسها ملاك توصل بها لدرجة اللعن السب بالفاظ بذئية وقدامي تقول "" مسكينة مرة ابني تعبانة مع الشغل ""
وانا كنت على نياتي لحد يوم ما سمعتها بنفسي و هي تشتمني خلاص صرت ما اطيقها بالمرة انا اكره المنافقين
المشكلة الان انها سافرت لابنها الكبير على اساس اني حامل وماراح اقدر ارعيها سافرت بعد ما طلعت اروحنا .... ورغم كدة مش حاسة براحة لاني بعد ما اولد متأكدة انها تبغى ترجع تعيش عندنا
وانا اولا مش فاضية لها يعني دوام وشغل و طفل و بيت وهي كمان مع العلم انها ما تقدر تخدم نفسها كل شي لازم يجي لعندها ....
هم هم هم هم هم والله انها اكبر هم في حياتي ادعوا ان ربنا يفرجها علي

الله يعينك يامنوله
وهذي مشكله ثانيه احمد الله اني عمري ماوقعت فيها واشوف انها مشكله عويصه صعب حلها لأنه مو معقول اقول لزوجي ماابغى امك
وفي نفس الوقت مااقدر استحمل احد في بيتي مهما يكون
والله يااخوات احيانا يجوني اهلي اني انزعج واسكت واقول ياما ازعجتي اهلك وانتي صغيره بس كانو يحبوني ويتمنوني ابقى معاهم لأني بنتهم
الحين يجوني هم واخواني وعيال اخواني ورجه وصجه وحاله محد يستحملها
فكيف لو احد بيعيش وسطنا انا وزوجي غير عيالنا ؟
الشغاله مانطيقها وماناخذ راحتنا معاها
كيف لو انسان ضروري نخدمه ونهتم فيه ونراعيه طول الوقت ؟
لأنه بصراحه لو جات بيتك ضروري تراعيها يااختي وتهتمي فيها مهما كان ام زوجك زي امك
------------------
اختي باتشي او بوتشي
الشاي الاخضر جدا روعه انتي بس اشربي منه يوميا مرتين قبل وبعد النوم مباشره
لأنه لما تصحين تحسين انه يزيل اي دهون متراكمه في الجهاز الهضمي وينظفها وكمان قبل النوم لاتنسي
والمشي كل ماقدرتي تمشين امشي ولاتنسي التنفس في كل حركاتك
واقصد التنفس الصحيح اللي الغرض منه الرياضه والصحه
خذي نفس عميق من خشمك وخرجيه من فمك وهكذا لاتنسي هذي النصايح هي المهمه
وكثري فواكه وخضار زي السلطه حتى لو اكلتي اكل دسم كثري فواكه هي اللي تهضم الاكل وتريح معدتك وتتخلصي من الدهون المتراكمه بسرعه
صدقيني هذا هو نظامي طول عمري
ماعدا المويه ماني قادره اتعود اشرب كميات كبيره يوميا للاسف مااشرب كثير

انا مشكلتي زوجي مطنشني ولا يعطيني وجه ابد واللي يقهرني اكثر اللي يشوفني يقولون لي وش يقول فيك زوجك خلوه يطالعني ويسولف معي وهذا يكفيني من جد انا متحطمه ساعدوني كان تقدرون