جملة قالها زوجي نكدت علي لابعد حد

الفتره الماضية كانت اموري مستقره الحمدلله
والبنات هنا فديتهم ماقصروا معي باخر موضوع
وعطوني نصايح مره حلوه وطبقتها
وتركت المرادد والجدل وصرت اطول بالي
حتى ماتكبر مشاكلي مع زوجي
وتقربت منه اكثر واكثر


وقبل شوي كنت انيم بنتي
وهو جاني يسولف جنبي
يتكلم عن مشكله صارت له مع وحده من اهله
وهي غلطت عليه بكلام قاسي.. والمرأه هذي سمرا
المهم
قال لي: اصلا في قاعده عندي ان كل ماسمرت البشرة زادت القشاره!!
وانا لاني سمرا (مثل فلانه هذيك بالضبط)
تنحت وحاولت اضحك واقول مو شرط!
قال الا شرط ونص ويقول دايم السمرا تردح
والبيضاء تجي هاديه ومسالمه
كان يتكلم باريحيه كأنه مع واحد من الشباب
انا هنا قلت: الرجال مايطلع قواعد بالنساء الا وهو بادي بزوجته!
هنا هو انتبه وقال: يابنت الحلال ما اقصدك خلاص




زبدة الموضوع
زوجي كان يتهمني اني قشرا اوكي
واثاريه رابط هالشي بلوني
وهذي فكره خطيره مررره
لانو معنى كذا هو يفكر لو متزوج بيضا بيرتاح من المشاكل
او يمكن طاري على باله ياخذ وحده بيضا ومطيعه
ما ادري انا ايش قاعده اقول
الفكره اساسا غبييييه
وهو مقتنع ومعشعشه براسه
وانا تعكر مزاجي ودخلت انام رغم اني كنت مفكره اسهر معه
لكن مالي مزاجه ابدا ابدا
الحمدلله مقتنعه بشكلي ولوني وعمري ماناقشت فيه
بس الربط الحقير بين اللون والسلوك قهرني
ورجعني لمرحله النفور من زوجي
مدري ايش الحل