الله يعطيك الف عافية

بنتي جاها..... اسهال استفراغ .. حرارة .. قلة نوم .. فقدان شهية ..عصبية .. تحك اذنها .. تعض ..

تعبتني .. الله يعافيها ..

ولما خلصنا.. جاها التهاب بحلقها ..

والحين رجعت لها اعراض التسنين ..

واللي اتوقع يزيدها انها ما تاكل زين ولا تشرب الحليب ..


بالتوفيق

جزاك الله خير

الله يعدي هالمرحلة على خيرررررررررر

احسن حاجه جربتها هي فرك لثة الطفل بمحلب مطحوون هذه الطريقه تخرج الاسنان بسرعه باذن الله
واذا تعب الطفل من الم الاسنان وممكن يكون استشم
بمعنى ان العطور تتعب الطفل اثناء التسنين اذا شمها وهذا علاجها
انك تفركين لثته بخوا جوا مع الزيت ويمكن تسالون عن الطريقه واخاف ما ارجع للموضوع راح اكتب الطريقه
تجيبي زيت زيتون نادك او الاصلي بكيفك اهم شي تفرغي العلبه بحجم علبة نادك في المقلاه وتحطينها على النار
اذا بدا يقلي الزيت حطي الخوا جوا اشريها من العطار بخمس ريال او بعشر ريال حطيها كلها وخليها شوي على النار
ثم حطي مره مطحونه تقريبا ثلاث ارباع كاس الجبن كرفت الصغيييييييييييير
وحركيه مع بعض وخليه شوي ثم طفي النار وحطي على طول قلب بصله طريقتها فكي البصله وخوذي القلب الصغير اللي جوا ترى الريحه بتصير فضيعه وبتنتشر في البيت بس بعدين تروح بالله لا تدعون علي اذا انتشرت الريحه
ولما تبرد صفيهاو حطيها بعلبه عندك وما راح تخرب وتراها مهمه والله حتى في العمليات والولادات والجروح بالنسبه لي ما استغني عنها ابدا واي احد محتااج حطيله بعلبه صغيره ولك الاجر
المهم طريقتي لما يكون الطفل مسنن وممكن فيه شمم افرك اللثه واشممه مع انفه واحط شوي تحت اذانه مسحه خفيفه والله يبنات انه ينام ويرتاااااااااااااااح ويزين مزاجه
معليش ادري اني طولت اعذروني

انا زيكم احس اولدي يبي يسنن يحك اذنه وعيونه واغلب يده في فمه واللعاب مره مليان وفاقد لشهيه المحلب هل يضر الطفل بعمر 7 شهور او لا