جميع الأسئلة عن الابتعاث هنا ( دمج عدة مواضيع)

أرجووووووووووووووكم يا مغتربات ساعدوني

بتكلم عن استراليا
اذا هي قبلت في برنامج الملك للابتعاث فالمحرم سيلحق بالبعثة
اول لازم تدرس اللغة لانها ماراح تقبل في الجامعة الا اذا اجتازت اختبار الايلتس والدرجة على حسب التخصص والجامعة طبعا اذا هي في استراليا بيوم التسجيل بالمعهد يسوون اختبار حتى يعرفون مستواها وعليها يحطونها في المستوى المناسب
بالنسبة لسؤالك عن الذهاب والعودة اذاقصدك المواصلات فممكن تروح بسيارة مستاجرينها أو قطار أو باص أو ترام
بالنسبة للتواصل تتواصل مع الملحقية وليس السفارة عن طريق موقع الملحقية على الانترنت
اما الصعوبات فممكن تلاقي صعوبة في ايجاد السكن المناسب لذلك من الافضل ينسقون مع الطلاب اللي هناك يدورون لهم وفيه طلاب بيسافرون السعودية مع عوايلهم ويأجرون بيتهم المدة اللي بيقضون فيها سفرتهم ممكن يستأجرون منهم افضل وارخص وانظف الى ان يلاقون لهم بيت

الله يوفقك يا رب ويسهل امورك ويعينك يا عمري على الغربة والف شكر على ردكوافهم من كلامك انه ان شاالله ما فيه صعوبات ولا فيه مشاكل

الله يوفقك يارب مع ليش تسمحيلي اضيف ماليزيا إذا احد يعرف إذا فيه صعوبات إعذريني لصاحبة الموضوع

تسلمين على الدعوة والله يعيننا ويعينكم
وان شاء الله مافيه صعوبات
بالنسبة لي مالقيت اي صعوبة حتى دراستي أدرس بكامل حجابي ولا لقيت اي مضايقة والحمدلله واكثر خواتنا السعودييات مثلي
ممكن تلاقي نظرات فقط لكن مافيه مضايقة انا جاوبتك عن استراليا واتوقع امريكا وبريطانيا وكندا مثلها لان السعوديين كثيرين في الدول هذي
ملاحظة : انا جاوبتك عن انه لازم فيه اختبار علشان تدخل الجامعه هذا بالنسبة لاكثر الجامعات هنا لكن اعتقد انه فيه بعض الجامعات لاتشترط اختبار لكن يجب ان تدرس في معهد اللغة التابع للجامعة حسب المدة المطلوبة لانهم يهيأونها للدراسة في الجامعة
على فكرة احنا لما جينا استراليا سكنا بفندق الى ان نلاقي سكن لكن خسرنا مرة والسكن ماجاء الا بعد 3 شهور واذا بتروح استراليا فيه موقع على الانترنت للتقديم على سكن وترى الاسعار نار لان الصرف ماراح ينزل على طول علشان كذا لازم معهم مبلغ يكفيهم الى ان يتم الصرف عليهم واول مايوصلون يحاولون يفتحون حساب
ونصيحة خليهم يدخلون على موقع الملحقية للبلد اللي بيروحون له عشان يقرون التعليمات ايش لازم يسوون اول مايوصلون وبعد يدخلون على منتديات الطلبة وتجمع الطلبة في الدولة اللي بيروحون لها عشان يستفيدون اكثر

واي سؤال انا حاضرة