جنة زوجي ولا جنّة أهلي !

أنا متزوجة ولسى ماعندي أطفال الله يبلغني وكل من يتمنى.
شخصيتي : مااذكر اني تعلقت بشيء ولا بأحد حتى والديني على حبي لهم منب متعلقة فيهم أبداً.
تزوجت الحمد لله بعد معاناة من ابو شديد وقاااااسي وعذبني نفسياً جعله في الجنة ، وكنت اعاني من اكتئاب واضطرابات نفسية، وعطاني ربي زوج حنوووووون عوضني من كل النواحي وانا ساكنة في منطقة غير أهلي ازورهم كل شهر يومين انبسسسط مرة وارجع، بس يضيييق صدري اذا جيت بزورهم ماأبي ماأبي ماأبي مدري ليه !!
فترة كورونا انحبست شهرين عنهم كانت أسعد لحظات عمري، واليوم اللي بزورهم فيه أقعد أصيح لين أرتاح.
مشكلتي أصيح من يطلع من باب أهلي أصيح مثل الطفل أبيه 💔 أبي أروح معه أبي أرجع بيتي ماأبي أقعد عند أهلي ماأبي رغم انهم يجننون وينتظرون جيتي ومايقصرون معي💔
أحب أهلي يجون بيتي وينامون عندي أحب لي من أروح لهم، و في حياتي مع زوجي عقلانية وطبيعية ولاني نشبة أبداً ولاني راعية اتصالات وشرهات أبداً.
طبعاً مايدري عن مشكلتي هذي بس تعبت من هالشعور ، تعبت تعبت تعبت.
وجهوني ، واسوني الله يرضى عليكم ويرضيكم.