جنتي ومعاناتها مع المرض.. لاتبخلون علي بالاستشاره الله يحفظلكم امهاتكم

السلام عليكم ورحمة الله وبركاته


اخواتي في الله احتاج مساعدتكم وتجاوبكم معي , امي والحمدلله على كل حال مريضه من اكثر من 20 سنه اسال الله لها الاجر في كل الم ا تشعر به ,, اخواتي امي في حال مايعلم به الا الله ,, احتاروا الاطباء في مرضها في دكاتره قالو اكتئاب مزمن ودكتوره سوتلها رنين مغناطيسي وقالو جلطات بسيه في المخ واعطتها ادويه وتدهورت حالة امي للاسوأ,, اللهم لا اعتراض والحمدلله على كل ما اصابنا .. المهم ودينا امي لشيخ وقال من اول جلسة رقيا لامي انها شربت شئ فيه اذى والي فهمته انه سحر مشروب او ماكول والله اعلم , اخواتي احتاج مساعدتكم راح اطتبلكم اعراض امي ولعل واحده فيكم مرت عليها حاله زي امي وتعالجت تساعديني ولها دعوة مني بظهر الغيب وربي يفرج عني وعن كل مكرووووب.. هذي امي يابنات مالي بهالدنيا بعد الله غيرها ياريت تساعدوووين يابنات


امي تكون طبيعيه اوقات وتسولف عايدي فداه تقلب سبحان الله وتقولنا على اشياء غير واقعيه مثلا انا بطيح الارض تتحرك وتمشي . انا ضايعه.. حالات خوف شديده تديها لدرجه انها تقوم تمشي بالبيت مي عارفه وين تروح .. تكرار كلمات بشكل سريع .. تجلس تسحب الاثاث من مكانه لغرض غير معروف..تجلس باماكن مظلمه.. امي انسانه مؤمنه وحافظة سور كثير من القران ودايم نشغلها الرقية الشرعيه والشيخ اعطاها موية مقريه واعشاب استمرت عليها شهرين ولا لاحظنا نتيجه ملموسه.. بالاظافه الا ان عند امي الغده الدرقيه ماتفرز وتاخذ حبوب الغده.. فيتامين دال عندها نقص فيه بسيط.. احترنا يابنات في تشخيص حالة امي وكمان تاخذ حبوب نفسيه مضاده للاكتاب من سنين ولا منها فايده


بنات الي مرت عليها حاله زي كذا تفيديني اش كانت خطوات العلاج واش التشخيص الصحيح.. انا الحمدلله صابره ومحتسبه واملي بالله كبير في شفاء والدتي وادعي الحمدلله ..


تكفون يابنات ساعدوني لو بالي تقدرون عليه شيخ معروف وصفة معينه لو بالرفع الله يفرج عليكم كربكم ويشفي مرضانا ومرضاكم ..