جنس البيبي والشغالات

مرحبا صبايا
اليوم رحت ازور عمتي وكان عندها شغاله فلبينيه .. المهم جت تجيب القهوه لنا ..ناديتها وسألتها عن النونو اللي في بطني وش جنسه .. ودي اعرف السر اللي يخلي بعض الشغالات اذا شافو كرشتك يقولون اللي فيك بنت او ولد .. واول شي قالت عطيني يدك ( عشان تقرا كفي الاخت ) :39: الا واميمتي تصرخ وشوووووووووووووو؟ اعوذ بالله لا ان شاءالله حرام ..
بعدين جت تدربي راسها وتلمس بطني وتفغصه وقالت بكل ثقه انتي فيه حامل ولد .. ضحكت عليها وقلت وش دراك قالت اذا بنت الكرشه تكون عرض واذا ولد تكون بالطول .. بعدين راحت شوي وارجعت مره ثانيه وطيرت عيونها بوجهي :blink:وانا بصراحه:08: ..خفت
قلت وش فيه قالت انتي فيه ولد قلت وش دخل خشتي بالموضوع قالت اللي وجهها يحلو وقت الحمل بنت واللي وجهها تعبان ومرهق ولد ..
عرفت بعدها ان ماعندها سالفه .. وان الموضوع بس تخمين

لا ومن زود الثقه تقول لاتنسين الهديه اذا جبتي الولد :) .. وبالنسبه لي الى الان مادري عن نوع البيبي .. وان شاء الله ولد بس مو علشانها قالت ..
واللي يجي من الله حياه الله بس اهم شي يكون طفل سليم معافى