جننتني مرت اخو زوجي

السلام عليكم ورحمة الله وبركاته :
اكتب لكم مشكلتي وان شاء الله الاقي حل من اهل التجارب
انا انسانه مسالمه ما اتحرش في احد وان تضايقت من احد اقوله اني متضايقه من تصرفاته
اذا ما لقيت حل غيره والا اكتمها في نفسي:(
انا متزوجه وساكنه مع حمولتي وصابره على اذاهم وبالمعامله الحسنه
تعدلت تصرفات خالتي وبناتها المتزوجات
لاني كنت اخدم خالتي وبناتها اذا ولدوا
والايام العاديه اكل عيالهم مع عيالي واناظرهم اذا كانوا امهاتهم ماهم موجودين
لكن اولادي عمري ما حطيتهم عندهم حتى بالسوق والمستشفيات معي
المهم انا ساكنه معي مرت اخوهم وما عندنا شغاله واهي عكسي تماما لا تناظر احد .......
اذا جوا عندنا حريم عيالهم او احد غريب ماتتحرك ابد كأنها ضيفه
انا اللي اقدم القهوه والشاهي واجيب واحط.....
واهي انسانه ماهي نظيفه المسح ما تمسح الأرضيات ولا تنظف المطبخ حتى غسيل الصحون تغسل من دون
فيري اذا خلص ...:eek:.والبلاوي كثار وعمري ما اتحرش بها ولا اقول حطي ونظفي..ومع ذلك انا الصغيره وصابره عليها
المهم غسيل الصحون والطبخ يوم عليه ويوم عليها هاليومين مجننتني وطايحه في حركة انها اي شئ استعمله اغسله
ولدرجة اني لو افطر انا وخالتي مع بعض تغسل صحن خالتي بس وصحوني انا وعيالي على جنب هذا واليوم عليها
لا تقولون عامليها بالمثل احس ان الحن كبار على الحركات هذي وخصوصا اذا كانت ما تجلس معنا على سفرة الاكل الا اذا جاء عندنا ضيوف اغلب اكلها في غرفتها معلبات واندومي
وانا ما يطاوعني قلبي اعامل خالتي مثل ما تعاملها ولا تحترم احد واللي برأسها تسويه

ارشدوني وشلون التعامل مع مثل هالاشكال