جننتوني .. تعالوا نسولف .. !!!!!!!!!!!

بصراحة يشدني العجب العجاب من بعض مواضيعكم ..

أنا مالي فترة من سجلت في المنتدى بس متابعة قديمة ..


لما أقرا مشاكلكم يجيني شعور صدمة على خوف على حزن ..

معقولة للدرجة ذي السحر منتشر .. والأدهى ان الساحر او الساحرة اللي تقول خالي واللي عمي واللي قريبتي !!!

السحر عظيم عظيم ليه مستهينين فيه بعض الناس ؟!!! بكره او اليوم او هالساعه بيجيه يومه الموعود ؟! طيب وبعدها وين بيروح ؟! وش بيقول ؟! ما عاد ينفع وقتها ربِ ارجعون !!!

طيب كيف ضميرك يسمحلك تعيش وغيرك يتعذب بسببك ؟!!

///////////////////////////////////////


طيب وش سالفة الغيرة مع البعض ..

كلكم حلوات وكلكم منزهات ما تغلطون وكلكم ما تجي منكم الزلة وطباخات وسنعات ورهيبات وحبيبات وملائكيات !!!

وكل اللي يصير لكم معهم مواقف يغارون منكم !!

طيب يمكن انتي سيئة وقاعدة تحاول تقيمك وتوقفك عند حدك !!!


كثير من سوالفكم (واسمحولي اسميها سوالف موب مشاكل) كثير منها عقيمة ومالها قيمة ولاهي مشكلة من الأساس؟!!!

مجرد فضفضة ووحدة فاضية من ورا الكيبورد تستدر عطف البعض وتعارض عاللي يعارضها بعد ..


بعض البنات لو قالتلها أمها اليوم ما تطلعين جت قالت أمي وأمي وما تحبني أصلاً من يوم ولدت ودايم تقولي لا وتحب أخواتي أكثر مني ومن هالكلام!!

وعلى هالشاكلة الأب والأخوان واهل الزوج والزوج وحدث ولا حرج ..

///////////////////////////////////////


طيب على طاري اهل الزوج ؟!!

كثير من البنات من اول ما تنخطب تبدا تنشأ عداوة بينها وبين أهل زوجها وتحس في قرارة نفسها انها داخلة معركة وأهل زوجها يتربصون لها وتجلس تنتظر منهم الزلة وتأويل وتكبير ويقصدون وما يقصدون لين توصل للطريق المسدود اللي يضرها اكثر من ان ينفعها ؟!!!


يختي انتي صرتي وحده من عايلتهم يعني ادخلي بسلام وخلي البساط أحمدي مع احترام متبادل وان شاء الله ما تحتاجين للشكوى منهم ..

اللي عندها زوجة أخو تشوف كل التصرفات اللي تضايقها من زوجة اخوها وتتفاداها مع اهل زوجها وهذي الطريقة تكشفلها عيوبها وتفتحها عليها ..


///////////////////////////////////

ايضاً موضوع الاخوات والاخوان يجنني .. كيف اخوات ويشتكون من بعض ؟!!!!!

اللي تقول اختي تغار مني واللي تقول تكرهني واللي تقول اختي انخطبت قبلي واللي تقول وضعها احسن مني ؟!!!!


معقوله يا بنات


والله الذي لا إله الا هو اني أتمني أخواتي يكونون أفضل مني في كل شي .. اصلاً فرحتي من فرحتهم

عندي 7 اخوان واخوات أبديهم على نفسي ولو يطلبون الروح ما تغلى عليهم .. ومتأكده انهم يبادلوني نفس الشعور.. عساني ما انحرم قربهم الحنون وخوتهم الغالية ..

اذا عاديتي اخوانك واخواتك من بقالك تستندين عليه بالدنيا ..


///////////////////////////////////////////


كنت اول اقرا بعض المواضيع واجلس ابكي ويشهد علي ربي .. ضيقة صدر ورحمة .!!
بس بديت اتأكد ان بعض المشاكل مبالغ فيها .. وبطبيعة المرأة العاطفية تجي حامية من الموقف وتبدا ترعد وتزبد وتكفر العشير !!!

طيب ليش ما تبين الوحدة سلبياتها في المشكلة .. ليش كلها على بعضها صح .. والطرف الآخر كله على بعضه خطأ وظلم !!

//////////////////////////////////////////

كثير كلام يا بنات بخاطري وودي اقوله بس طولت عليكم ..
كتبت عالسريع وبالعامي حتى توصل الفكرة أوضح

ماادري هل وحدي اللي اشوف هالسلبيات أو كلكم ؟!!

شاركوني