جنني الوزغ يابنات 😩😩

لاحول ولا قوة الا بالله ايش دخلها في كل الأماكن هذه اكيد عندك فتحة تدخل منها بسهوله دوريها فين وسديها وكل ماشفتي مالك غير البخبخه عشان تموت وماتولد غيرها ولا جيبي شركه تبخ وسدي كل فتحات البيت

يووووة 😥😥😥 بالذات هذا الكائن والصرصور انجن منهم اسوي ماراثون يوم اشوفهم ههههههههههههههههههههه

اخ جيتي على الجرح اللي يوجع والرعب المخيف

صادقه لا قشر بيض ولا أي وصفه من اللي بالنت تجيب نتيجه

اتذكر الصيف اللي راح جربت التبخير باللبان قالو يكره ريحته ويطرده ومايدخل المكان اللي فيه ريحة لبان الذكر
وابخر المكان والله ان المبخره جنبي حاطتها توها ماطفت إلا واشوف ذاك الوزع البشع يدخل من الباب !!
ومن يومها وانا اقتنعت قناعه تامه ان الوصفات اللي بالنت ماتجيب نتيجه وكلها خرابيط

اذا بتجربين حاجات اشتري صمغ او غرا اللي يحطونه على قطعة كرتون للفيران ووزعيه تحت الفرن والثلاجه والاماكن اللي تتوقعين وجوده فيها واذا مر عليها بيلصق ومايقدر يتحرك هذي الطريقه خالتي جربتها في بيتها .

وفي ناس يمدحون شي اسمه طارد الوزغ يشترونه من المحلات الزراعيه يجي شكله مثل الكور البيضاء تحطينها في قطعة شاش وتوزعينها بالاماكن اللي تتوقعين وجوده فيها او انه يدخل منها يقولون ممتاز بشرط تغيرينه كل 6 شهور او كل صيف غيريه هذي ماجربتها ولا اعرف احد شخصياً جربها .

ماله حل الا انك تسدي كل المنافذ والفتحات حتى الصغيرة
والله انا احيانا اعاني منه
اتجنن لما اشوفه اخاف منه خوف مو طبيعي
والمصيبة مايتسلط الا علي
ماحد يشوفه في البيت غيري
امكن لأني ماامشي الا وانا اتلفت فوق وتحت وعالجدران

اي صح قريبتي اشترت جهاز ينشبك عالكهربا اعتقد اخذته من ساكو
تقول انه يطرد الوزغ
يصدر زي الذبذبات تبعد الوزغ مسافة عن هالجهاز
فأنتي شوفي روحي ساكو واسألي عنه وجربيه لعل وعسى يفيد