cute girl ksa

cute girl ksa @cute_girl_ksa

عضوة جديدة

جنني غرور زوجي واسلوبه معاي عطوني حل

الأسرة والمجتمع

بسم الله الرحمن الرحيم



اخواتي انا عضوه جديده بالمنتدى وانضميت معاكم علشان ان شاء الله الاقي حل لمشكلتي عندكم

انا اتزوجت من سنتين ونصف عمري كان 21سنه وزوجي32سنه كانوا قرايبه قايليلي ان عمره 28 بعد

الزواج دريت عن عمره واحسه كبير علي فرق 12 سنه بالعمر كثير وخاصه بالتفكير من البدايه

ماانتسجمت كثير جلست 8 شهور ماحملت وكان دايما يقولي انتي مو مثل الحريم حتى حمل ماتحملين

مع ان الدكاتره قالولي ان تحاليلي سليمه انا وياه بس حاط السبب مني وبعدين رزقني ربي وحملت

وجبت ولد منه انسجمت شوي مو كثير بس اسلوبه معاي مو عاجبني يعرف يمزح ويتطنز مو رومانسي

اذا طلبت كلام حلو قال هاذي خرابيط مسلسلات وتلفزيون xxxxxxxxx ومغرور شوي وبعد

فتره من زواجي اكتشفت انه ياكل حبوب للاكتئاب وماقالي حتى كشفت الموضوع من حالي شفت ورقه

من الدكتور عنده واعترف بعدها ومريض عنده كهربا بالراس ينصرع احيانا لثواني الله يشفيه ادعوله

يابنات وانا عصبيه شوي وما اتحمل اسلوبه معاي انا قدرت كل الظروف اللي قلتها لكم ماعمري قلتها له

وهو لو يلاقي اي شي بسيط يعيد ويكرر فيه ومو لاقي علي الا انتي عنيده وغير هذا بخيل شوي احيانا

لما اكون معاه بالسوبرماركت واشتري اغراض يقول لاتكثرين واطفش من اسلوبه انا حساسه ما احب


احد يستكثر علي شي واذا طلبت شغله احيانا يرفض وهو قادر ماديا واهم شي عنده اهله وانا احس

اني ما اهمه كثير ومره بعد ماجبت ولدي تهاوشت انا وياه وصار نقاش ومد يده وضربني زعلت ورحت



لاهلي بس ما قتلهم شي على انها زياره وجلست شهر ولا هميته لين انا اتصلت عليه ومستحيل

يتأسف لو هو الغلطان يقول انا ما اتأسف الا من امي وابوي بس وكل ما غلط علي ازعل لين ارضى

من حالي ما يراضيني من غروره لو هو الغلطان بحقي واضطر اراضيه من الطفش لاني بمنطقه

بعيد عن اهلي 1000 كيلو ماعندي الا هو واذا غلط اقول سامحتك ولاتكررها وافوتها الى متى وانا


اسامح وقلت بروح لاهلي ومتى مادقيت وقلت تعالي جيت قال انا ما ترجى احد ..


واقوله انا ما ابغى منك الا انك تحترمني .. ويكرر الغلط

ويقول لازم تتحمليني انا الرجال المره تسمع وتسكت لانها مره

المشكله تعبت من كثر ما اكتم بصدري اهلي ما يعرفون عنه اي شي وعلطول يمدحون فيه واي نقاش

يقول روحي لاهلك ولا ترجعين المشكله مو حاس بقيمتي مع انه تعب على ماتزوجته يقول كل ما اخطب

يرفضوني الناس حتى اني يأست بغيت اتزوج سوريه ..


مادري كيف اغير بطبعه واخليه يحترمني نفس ما احترمه لاتقولون مايحبني لا حابني بس يكابر

مادري ليش بليززز ساعدوني يابنات لو انتم مكاني وش تسون اسفه على الاطاله واستنى ردودكم ..


وشكرا ..
19
4K

يلزم عليك تسجيل الدخول أولًا لكتابة تعليق.

تسجيل دخول

نــــــدمانــــــه
الله يكون ابعونك
بس اللي اقدر اقوله حاولي تثقلين عليه شوي عشان يحس بقيمتك
اكثري من قبام الليل والدعاء له والاستغفار
ليمون وملح
ليمون وملح
الله يكون بعوونك ادعي ربك بكل وقت انو يسخره لك
وانا من وجهه نظري احس انك غلطانه انك ماعلمتي اهلك عنه لازم احد يتكلم معه كل شئ الا الضرب

والله يصبرك يارب
ليمونه بالنعناع
يكون ابعونك
سماء عالي
سماء عالي
مريض الله يشفيه وعنده احساس بالنقص
دائما امدحيه دايما قولي له احبك بس هاه لازم تكون مجرد كلام يعني لا ترمين نفسك له ممكن تزعلي بس في بيتك قولي احبك واثقللللللللللللللللللي
واذا ضربك بصراحه اذا اهلك من النوع اللي يوقفوا معاكي روحي لهم لازم في حد لكل شيء بنات الناس مو لعبه
الحلم المزعج
الحلم المزعج
الله يساعدك وبفرج همك 00


اغلب الازواج فيهم هذه الصفات 00


وهي انه دايم صح والزوجه هي الخطا 00الله يسامحهم يحسسون الزوجه بالنقص وعدم الثقه 00


لكن انتي حسسيه انك دايم واثقه من نفسك 00


ولا تواجهينه بالضعف اللي فيه 00 او حبوب الاكتئاب اللي ياخذها وياكثر الناس اللي


تاخذها وعادي ماشي امرهم 00


حاولي انك تحسسينه بالحب اكثر 00 وادعي ربك انه يسخره لك ولولدك 00


وتأكدي ان مشكلتك بسيطه عند مشاكل الناس 00


وهونيها وتهون 00 لكن اهم شي حسسيه بالحنان والحب والله مايضيع جهدك 00