جنووووووووووون القرمز للشعر

مرحباااا ياحلوات بعرض لكم تجربتي مع القرمز بعد ما قريت عنه في المنتدى....
طبعا انا اموت واصبغ شعري بلون دم الغزال او موف (بنفسجي) وما اقدر احط صبغه كيميائيه لأني حرمت احط صبغه بعد ماحطيت الخلطه الي فيها العفص والحديده ودمرت شعري واظطريت احلقه الى اذني بعد ما كان يوصل لخصري ... الزبده رحت قبل امس لعطار بن منقاش وما لقيت عنده الا لون البنفسجي واشتريته وجيت البيت نقعته مع الزبادي اليوم الثاني حطيته ع شعري ثلاث ساعات طبعا انا شعري لونه بني غامق ولا فيه اي خصل بعد ثلاث ساعات اتحممت وطبعا كل شئ طلع لونه بنفسجي رررررروووووعه وجهي وجسمي البانيو والحمام كله ما عدا شعري طلع لونه اسسسسسسسود فاحم لا وبعد بلمعه طبعا انا اكره اللون الاسود عقب خلطه العفص لانها سودت شعري المهم ربطت شعري لأن علبه الشامبو خلصت واللون ما راح وجيت بغسل جسمي واللون ماراح جبت الصبون الي استخدمه لجسمي وحطيت معه شوي كلوركس ودعكت جسمي لين طلع اللون الأصلي وعادي طلعت من الحمام واهلي ينتظرون النتيجه وقلتلهم رطب ما يبين اللون حتى ينشف زين وصرت كأني في عزا لبست تيشيرت غامق وحطيت منشفه ع الوساده لأن اللون حاسني وكل ما المس شعري تصير اظافري بنفسجيه واروح اغسلها بالكلوركس المهم مليت من هالحاله والبنات في المنتدى قالو ان اللون يطول ثلاث اسابيع لين يروح قلت اش حادني فرحت ناديت بنت اختي ودخلت وياها الحمام وجبت ابريق حق الشاي حطيت في ربعه كلوركس وشوي شامبو وباقي الابريق مويه ونزلت راسي في الغساله وخليت بنت اختي تصب الابريق ع شعري وانا ادلك كررتها مرتين بعدين غسلت شعري بالشامبو وشطفته بمويه كثيره آخر شي حطيت فاشكول وطلعت واللون الأسود رررااااااح اختفى ورجع لون شعري مثل اول بس شوي جاف الله لايلومه
تعبت وانا اكتب وادري طولت عليكم بس حبيت انقل لكم تجربتي وانشاء الله ناويه اجرب اللون الفوشي بعد فتره لأني ماتبت وابي اغير اللون بشي طبيعي غير خلطات الحنا لأنها ماتمسك بشعري
: ...وسلامتكم