جنيني في خطر

السلام عليكم
شلونكم بنات
بداية عندي الدوره الشهريه غير منتظمه
وكل مره قبل ما اتفكر اتشرف صدري ايألمني 3 ايام وبعدين تنزل واحيان 4 و5
وبالنسبه لتأخيرها تتأخر حتى اكثر من 9 ايام
وهم عندي مشكله بالمعده واحس بالغثيان وو
وانا عندي تكيس بالاساس واحس بمغص الدوره احيانا وماتنزل عادي ومتوقعه تأخير الحمل


وانا رحت للممرخه وامترخت وقالت لي الرحم نازل
وسبحان الله بقدرته خلاها تقدر ترفعه وتخليه في مكانه الصحيح ..
ِالي خلاني اروح للممرخه ماكان غرضي للحمل فقط .. انما كنت احس ان الدوره ماتتزل بشكل سليم ولانه نازل وملتهب فأثر حتى على المثانه وسبب لي مصايب.


المهم .. اخر دوره شفتها تاريخ 24/4
واحنا الحين في شهر 6
اتأخرت علي الدوره وجاني وجع الصدر بس هالمره طول معاي اشوي .. وانا مستبعده كل الاستبعاد وشايله من بالي فكرة الحمل لوجود التكيس .. لاني كنت مخططه ابدأ خطوه بخطوه .. تمريخ الرحم اولا ثم ابدأ بعلاج التكيس
يعني الاعراض كلها مو شي جديد
بس لاحظت اني اتعب بشكل اسرع في اقل مجهود
هذا الفرق الوحيييد
المهم قبل يومين ..
رحت الصيدليه وشريت تست الحمل .. قلت بجرب حظي كالعاده يمكن يطلع شي ..
لان صج طولت الدوره بس هم مستبعده فكرة الحمل .. وكل شهر اشتري التست على امل اشوف شي


ودخلت الحمام اعزكم الله وتوني بجرب التست ولا اشوف دم .. قلت ماشاء الله .. الحلوه مالقت تنزل
الا لما شريت التست
وطلعت وشلت التست معاي عشان اخشه حق المره اليايه ، المهم بعد حوالي ساعتين احتجت ادخل الحمام مره ثانيه ..
ورديت حملت التست معاي من باب استهبال
قلت خل اجرب وقسم بالله من باب استهبال وانا فيني الدوره
واستخدمته والا اشوف خطين وااااضحين كلش
انصصصصصدمتتتت!!!
اقول اشلون فيني الدوره وطلع عندي خطين مستحييييل هذا الامر !
وبعدها رحت انا وزوجي المستشفى
وحللت دم وقال الدكتور انتي حامل !!!
ماصددددقت عمري مت من الوناسه
المهم وبدأت ابشر اهلي واهله ونفس اليوم نزل علي دم خفيف لونه بني
ورحت اراجا المستشفى وسوو لي سونار والترا ساوند سونار الداخلي وقالو البيبي عمره خمس اسابيع بعد
وهذي الصدمه الاكبر اشلون ماحسيت في نفسي
وقالت ان النبض مو مبين نبضه بالاسبوع الخامس وهذا شي طبيعي نعطيج موعد لين الاسبوع الياي واذا ماوقف الدم راجعي قسم الطوارئ
المهم من نزل الدم والاعراض اختفت
والحين ثالث اورابع يوم ينزل علي دم بني لكن نقاط
والاعراض اختفت وانا يديده على هالشي ومو عارفه اشلون اتصرف بس وايد قريب ان عند اختفاء الاعراض ونزول الدم هذي اشارة للتسقيط
مع العلم انا خذت ابرة تثبيت وبقا 3 راح اخذ كل اسبوع وحده والتزم بالادويه بس ميته خوووف