كوبونات الراقية تسجيل الدخول

جغرافية عاطلة

جنيني مسكر رجوله وش رايكم

الحمل والإنجاب •

السلاااااااااام ياحلوات

يمكن موضوعي يكون طويل بس حبيت اقول لكم كل شي من البدايه انا عندي بنوتتين الله يحفظهن ويصلحهن يارب

والان حامل بالشهر الخامس الحمدلله حملي هذا جاء بدون مااتوقع الحمدلله والشكر كنت انتظر الحمل

لكن بالشهر اللي حملت فيه ماكان عندي الا بويضه وحده وصغيره مره ماتتعدى 10 ملم

وكنت اتابع التبويض رغبة مني بعد مشيئة ربي انو احمل بولد ع اساس عندي بنتين

ولما رحت ذاك الشهر وصار التبويض صغير مره قالت الدكتوره تعالي الشهر الجاي بعطيك منشط لان الحمل

مع هالبويضه صعب اضافه انو عندي خمول بالغده الدرقيه فكان شبه مستحيل لكن حكمة ربي

اللهم لك الحمد حتى ترضى لما حصل بيني وبين زوجي كان باليوم 15 من الدورة وبدون وافي طبعا

وبدون مااستخدم غسول البيكربونات ع اساس ماراح احمل لكن سبحان الله حملت بذاك اليوم لانو

متاكده ماصار بعدها شي حتى عرفت اني حامل لكن من قبل الحمل تقريبا باربع شهو وانا اغلب اكلي

يخلي الرحم قلوي يعني موز واناناس وحبوب سفن سيز وابتعدت عن مشتقات الالبان والدجاج قد مااقدر

واحياانا استخدم شراب يوراليت يو وهو شراب قلوي بس مو كثير كنت اشربه

وسبحان الله لما حملت فرحت وضاق صدري استغفر الله بنفس الوقت اوللا لاني حملت بوقت كان صعب احمل

فيه وثانيا لاني حملت بدون مااستخدم غسول بيكربونات وحتى بدون لا اتاكد انو البويضه نزلت او لسى

وكنت حاطه ببالي اني حامل ببنوته رغم اني اتمنى الولد لكن احساسي انها بنوته ماادري ليش

ومع ذلك احلامي كلها رغم اني مااتعلق بالاحلام الا انها تدل على الولد ورموزها واضحه ومع هذا ماابغى اتعلق

انا الان بنهاية الشهر الخامس ومن بداية الرابع كل مارحت لدكتورتي اسالها وهي تقول باقي الجنين صغير

ماراح اشوفلك الجنس الا بالخامس واقول لها حاولي يمكن يبين وهي تقول لا بالخامس ان شاء الله اشوفه

سكتت وتوكلت ع ربي وانتظرت شهر كامل ولما رحت لموعدي وسوت لي سونار قالت الطفل حاط رجل
ع رجل وماقدر اشوف وحاولت وحاولت وماقدرت ابدا انها تشوف تقول يتحرك كثير بس رجوله مسكرها بقوه

بس وهي تشوف مقاسات الجنين ونبضه ووزنه قالت انتي وش عندك قلت بنتين قالت ان شاء الله هذا ولد قلت

كيف ومو مبين معك ولد او بنت قالت الجنين طوويل والطول هذا عندنا بالطب تبع الذكور نادرا ماتكون انثى بهالطول

وعطتني تحويل ع دكتور ثاني بالموجات الصوتيه وقالت خليه يشوف ويعلمك جهازه افضل من جهازي ولما

كشفتلي الممرضه تبع الدكتور ع الجنين قالت كل شي تمام قلت وشو جنسه قالت مابين معي وحاولت وحاولت

مابين ابد كان تقريبا ساجد ومتقوقع ع بعضه ومعطينا جنبه ومسكر رجوله بقوه جدا وبس يتحرك مره بس مايفتح رجوله نهائي قال احتمال بنت بس مااكد لك قلت انتي شفتي شي قالت لا

مااقدر اشوف شي ابد هو ملزق رجوله ببعض ولو كان ولد كان بين لي العضو تبعه حتى لو ضام رجوله

انا سكت وبصراحه تضايقت مو لاني ماابي بنت لا وربي البنت عندي احب من الولد وربي شاهد

بس انا حملي صعب ووحامي اصعب واتعب مره واغلب الاوقات بالمستشفى عالمغذيات الحمدلله والشكر

فودي ارتاح والله يرزقني بالعيال زي مارزقني بالبنات الحين انا نفسي اسوي سونار رباعي بس خايفه

يضيق صدري وبنفس الوقت نفسي اعرف وارتاح ماادري يابنات مين اصدق اي وحده احلامي ودكتورتي يقولون ولد

والفوق صوتيه تقول يمكن بنت لان مافي شي بارز واحساسي مره بنت ومره ولد بس ماابي اعشم نفسي

بالنسبه للتغيرات والفرق بين حملي ببناتي وحملي هذا اول شي الوحام وحامي ببناتي كان غثيان وترجيع

ع طول لحد مادخلت السادس وهذا اغلب الوقت غثيان بس نادرا ارجع وهذا سبحان الله شعر جسمي اشيله بموس ومع ذلك مايطلع اقعد شهرين واشيل بموس مره ثانيه اما بناتي لا بالعكس ماتغير شعري

يعني اذا شلته يطلع مايطول بس هذا غير بطني ببناتي ماطلع بسرعه وكان عريض سبحان الله

اما هذا من تحت ماعندي بطن بس من فوق بطني كبير وزي الكوره شكله وبان بطني من الشهر الثاني

الطفل هذا من بداية الشهر الثالث كان متخلق حتى الدكتوره استغربت لانو كل شي فيه مبين سبحان الله وكااامل

وشكله طويل كان زي الموزه اما بناتي كانو اطفال بدون ملامح ومابينت ملامحهم زين الا بالخامس تقريبا

وكان اشكالهم بالسونار مو طوال ويميلون للشكل الكروي انا ماادري هذا له علاقه او لا مااعرف بصراحه

الجنين هذا بديت احس بالنبض من الشهر الثاني وحركات خفيفه بالثالث والرابع بدات حركته واضحه سبحان الله

والخامس حركته ماتوقف لااله الا الله الا نادرا وحركته بكل مكا مره يمين مره يسار مره فوق مره تحت

يعني بصراحه ماله مكان محدد

ادري موضوعي طويل لكن الله يعافيكم قولولي لو وحده منكم مرت بتجربتي وحملت قبل نزول البويضه

وكان الجنين مقفل رجوله مره وطلع ولد او بنت انا وربي راضيه لكن هي امنيه والنفس تشتهي

وربي كريم والحمدلله ع كل شي طمنوني واعطوني امل وشكرا لكم كلكم
89
288K

يلزم عليك تسجيل الدخول أولًا لكتابة تعليق.

تسجيل دخول

مــــتـــرفــــة
مــــتـــرفــــة •
الله يرزقك بالي تمنيين

وكلي امرك لله
ام سرروررو
ام سرروررو •
ماعندي فكرة حبيبتي 
بس حبيت ادعيلك
ربي يرزقك ما تتمني بصحة وعافية يارب 
حنون هانم
حنون هانم •
ان شاءالله الله يرزقك بولدك روحي مستشفى وﻻ عيادة قوليلهم انا رايحة عشان جنس جنين
وان شاءالله يبان انا نفسك دكتورة قالت مايبين بعدين هزت كرشتي وتقريبا تمينا نص ساعة بعدين اكدتلي انة جد انة بنت
فانتي تمي ملزمة حتى تتطفش وتعلمك
ام اردن
ام اردن •
الله يرزقني انا وانتي كل وحده ولد صالح معافى
وكله من الله بالاخير والحمد لله اهم شي الخلقه التامه
انا بحملي هذا اخف من حملي الثلاث مرات ب3 بنات
واتمنى هالمره صبي يا رب
الوحم اخف من بناتي ال 3
النبض بلش ب الثاتي وانا هلا ببداية الثالث
الله يحقق امنيتك
وان كانت بنوته لا اضايقين على روحك كلها نعمة رب العالمين الحمد لله
جغرافية عاطلة
جغرافية عاطلة •
مشكورين يابنات ع ردودكم ودعواتكم جزاكم الله خير

اي احد مر باللي مريت فيه يقول لي هل كان الجنين ولد او بنت

وهل فعلا اذا الجنين مسكر رجوله ومابان شي بارز يعني بنت اكيد؟؟