جنيني ميّت ببطنــي ،

السلام عليكم و رحمة الله وبركاته ،
انا حامل باالشهر السابع ،
تفاجئت صباح امس بااني مااحس بحركة جنيني
جنسه "ذكر" و كان ماشاءالله نشيط جداً و لذلك كان معودني على الحركه المستمره و حتى لما يكون نايم و اهز بطني و العب فيه احس بحركته و كل سونار اروح اشوفه الدكتوره تضحك ع حركاته و نشاطه
وكل صباح مع تقلبي احس فيه و اتطمن و اكمل نومتي سبحان الله
الا امس ماحسيته و فقدته مع اني كنت قبله حاسه بحركته طبيعيه جداً
قلبي عورني وقلت فيه شي لأنها مو عادته
بعد ٦ ساعات من ملاحظتي انه ماتحرك رحت مستوصف قريب سويت سونار رباعي ماكان فيه نبض
تفاجئت بس قالوا ممكن يتحرك انتظري دقائق لو حابه و طلبناهم يعملوا لي سونار عادي بعد دقائق شربت عصير و اكلت عشان يتنشط لو هو حي
وسووه لي و للأسف نفس النتيجه

جنيني كان بخير و لله الحمد
و فحص سلامة الجنين قبل موته باايام أكّد لي ان مافيه شي
و انا كذلك لا سكّر ولا ضغط و الاجسام المضاده كان فيه اجراء احتياطي لها و أخذت علاجات من اول حملي الى الآن ..
و عملت هاالحمل ربط لعنق الرحم بالشهر الرابع ،
هذا حملي الثالث قبله حصلت لي مرتين ولادتين مبكره لأطفال بالشهر السادس
و سبحان الله يولدون احياء و بعد ساعات يتوفون لعدم اكتمال رئتهم ووظائفها ،
كانت اوزان اجنتي السابقه ٥٠٠ و ٥٠٠ وشوي كانو صغار و اجسامهم ضعيفه

هالمره غير مات جنيني في بطني و كان بآخر موعد وزنه ٩٠٠ و شوي يعني كبير حجمه و الحين أظن اكبر

البارح بعد السونارات بالخاص رحت المستشفى اللي اتابع به حملي و بعد ماتأكدوا انه ميت بالدوبلر و السونار مره ثالثه و رابعه فتحوا لي الربط و رجعت البيت لأني مااحس بااي شي و لاينزل مني شي
و قالوا لي لو حسيت بطلق اجي للمستشفى ع طول
و قالوا مو كويس يبقى في بطنك كثير
و لو تأخر راح نعطيك الطلق الصناعي "اللي انا ماابيه"
و قالوا لي من البدايه قلت ماابيه قالوا الخيار لك
بس لو الاحد جا و ماولدتي بنعطيك طلق تحاميل
وفعلاً هذا الصح بس انا ودي اولده بطلق عادي و ابي اشياء تحفز الطلق و تفتح لي رحمي
الرحم مفتوح ١ سم امس و ماكان فيه طلق
و اليوم
الطلق خفيف يابنات جداً خفيف
و بدت سوائل الرحم البنيه و المصفرّه باالنزول من الصبح

ساعدوني بااشياء اسويها او نشاطات تخليه يفتح
و دعواتكم ان الله ييسر أمري و يسهّل علي ..