جهازي ينطفي بروحه أحيانا

أختي جهازك إحتمال كبير أنه مصاب بفيروس ولا أدري إن كان معك برنامج مضاد للفيروسات مركبتنه على جهازك ولا لا ؟ إذا ما معاك حاولي تدشين على النت وتبحثي عن مواقع بها فحص مجاني على الهواء يعني مباشر راح يفحصون جهازك ويمسحون أي فيروس فيه جربي هذه الطريقه وإذا تشوفينها ما تنفعك حاولي تعملي إعاده للجهاز ليوم كان فيه شغال زين عن طريق نقطة إعاده ودمتي سالمه

مشكورة حبيبتي oman911أنا عندي برنامج للفايروس نزلته من النت وبعدين عرفت في برنامج أحسن اسمه كاسبر كلينر ونزلته وسويتله سكان ما في فايروس بس كان يطلع أسامي فايلات مكتوب مو فايروس أدوار ومسحتهم كلهم وللحين نفس الشي ينطفي أول ما أشغلة يعني لازم أشغله عدة مرات وبين مرة ومرة أخليه يرتاح علشان أشغلة ولازم أشغلة عن طريق إف فور وبعدين يشتغل عادي ما أدري شنو السالفة هل ممكن يكون الهارد ديسك تلف وهالشي ممكن يخلي الجهاز ينطفي ولا في شي ثاني . ومشكورة مرة ثانية

والله الظاهر أن جهازك مره مسخنها بس تدرين إذا ممكن تحاولين تشوفين ولا تسجلين شنو الكلام اللي يطلع لك بالضبط يعني لما تفتحين الجهاز يعمل على طول تسكير ولا ينتظر مثلا عشر دقايق ربع ساعه ؟ يعني يقلع ويسكر ولا تقدرين تعملين عليه شويه وبعدين يسكر ؟ ثانيا ويش الكلام اللي يكتبه لك ممكن تنقليه ولو شيء بسيط علشان نعرف جهازك يمكن جني دخل فيه :) وعلى العموم شوفي وحاولي تكتبين اللي يخرج لك ولو مستعجله سويي فورمات مع شخص زين :hahaha: ودمتي سالمه

هلا والله بأختي oman911
والله ضحكتيني إنتي الوحيدة اللي كتبتلي وقاعدة تحاول تساعدني والله ما تصدقين ايش كثر ذبحني هالكمبيوتر وزوجي متكسل ييب الريال مرة ثانية علشان يصلحه . اليوم حاولت من الصبح أكتبلك شنو المسج اللي يطلع وكل شوي يسكر الكمبيوتر .
كل ما أشغلة يطلع عندي شاشة سودا مكتوب فيها
the cpu was previously shut down due to ather mal event ( over heating) service the unit right away to resolve this . press f4 to resume . press f2 to run setup . hit f12 if you want to boot from the network .
وبعدين أضغط إف فور ويشتغل عادي وبعد عشر دقائق يطفي بروحه ولازم أخليه خمس دقائق علشان أقدر أشغلة مرة ثانية لأن إذا بنفس اللحظة حاولت أشغلة ما يشتغل ونفس العملية تتكرر تقريبا ثلاث أو أربع مرات وبعدين يظل شغال عادي فترة طويلة وإذا كنت مشغلته طول اليوم ممكن بالليل هم يطفي بروحه . ما أدري شنو أسوي والله مستغربة منه والحين أنا منزله من الانترنت برنامج كاسبر للفايروس وكل ما أشغلة أسويله سكان ويقول مافي فايروس يمكن فايلات أدوورد ومسحتهم كلهم .
الله يعطيكي اللي ببالك ويوفقك يارب والله ما راح أنساكي ساعديني ويش أسوي فيه ترى جنني ؟
ومشكورة حبيبتي على اهتمامك. على فكرة أنا أقدر أسويله فورمات بس سويتله من قبل عشر أيام وما فاد ما أدري بشوف ردك بالأول يمكن يكون عندك الحل يارب وبعدين بحاول أسويله فورمات بعد ما أجن إن شاء الله .

جهازك فيه مروحة للتبريد ؟
لانه يقول انه المعالج انطفى بسبب الحرارة الزايدة
المعالج لازم يكون عليه مروحة تبريد وبعد عند مكان توصيل الكهرباء يكون فيه مروحة
مادري جهازك لاب توب ولا عادي؟