جهاز المشي منو احسن الكهربائي ولا العادي

هلا حبيبتي عاشقة العيون و الله انصحج بجهاز المشي الكهربائي انا صار لي شهرمشتركه في نادي صحي و الله ان الفرق واضح و انا مشكلتي مثل مشكلتج و الحمدلله خفيت شوي بس انصحج اذا بتمشين عليه حركي يدج لا تمسكين الجهاز و انتي تمشين علشان تخف الزنود
تحياتي

مشكوره ياقلبي

يعطيج العافيه
ويارب ينصحونى الاخوات بعد

امشي مشي عادي بالهواء بدون سير

يتحرك جسمك كله وتنحف الزنود والفخوذ والارداف

:26:

فعلاً أنصحك بالأوربي ترك..
لكن إذا أنتي من النوع الكسول والعجاز.. ما يصلح لك أبداً..
فيه بعضهم شروه وما ناسبهم والسبب أنه متعب جداً.. يعني 5 دقايق عليه متعبة ويا الله تقدرين تكملينها..
بس من تجربتي.. (أنا مجربة أكثر من جهاز)..
لقيت أن مدة قليلة على الأوربي ترك أفضل من مدة طويلة على السير أو الدراجة الثابتة..
صحيح متعب لكن يحرق الدهون حرق وأثره يبين في مدة قصيرة نسبياً.. يعني خلال أسبوع واحد فقط بإذن الله..

طبعاً كل إنسان حسب جسمه يشوف الجهاز اللي يناسبه..
الأوربي ترك يصلح للي يبون يشدون المؤخرة والأفخاذ والزنود (يحرق الزنود حرق).. لكن عيبه أنه ما له تأثير على الكرش.. اللي عندها كرش السير يمكن أفضل لها أو الـ tummy trimmer..

الدراجة الثابتة ما تصلح أبداً للي مؤخرتهم عريضة لأنها تكبرها شوي.. أو على الأقل ما تغيرها.. تصلح للي يبون ينحفون فخوذهم بس وسيقانهم.. وللي يشعرون بالعجز الوالكسل من الوقوف على جهاز مثل السير أو الأوربي ترك أو الستبس وغيرها..

المهم يا حلوة..
شوفي.. إذا على حريم جماعتكم.. انسيهم..(ترى فيه مثلهم في كل مكان).. أنتي انحفي علشان نفسك مو علشانهم.. لا تخلين كلامهم يأثر عليك.. ترى إذا اهتميت فيهم وخليت نحفك بس علشانهم بسرعة راح تيأسين وتحبطين وترجعين للأكل والكسل.. قولي أنا بنحف علشان نفسي.. أنا أستاهل أكون رشيقة.. ليش ما أصير.. الرشيقات زايدين عني شي؟؟ أقدر أصير مثلهم بإذن الله..
والله يوفقك..

أسرار.. لا تتنظرين المتر..
اربطي نفسك بخيط وقيسيه بالضبط.. وخليه في الدرج..
مني ما جبتي المتر قيسي طول الخيط وتعرفين محيط حوضك..
بس إذا تبين أضبط.. قيسي محيط كل فخذ على حدة.. وقيسي أيضاً محيط الحوض.. ومحيط الذراعين من أعلى (الزنود)..
أهم شي لا تتكاسلين.. يالله الهمه.. ابدئي من بكرا..