&&&جهاز تحديد الاباضه &&&

هلا عيوني وصايف

من فين أخذتيه وكم سعره ؟؟؟ والله شكلي باعمل مثلك لأن صار عندي خبره كبيره من كثرة مراجعة المستشفيات :06:

بالنسبه لأيام التبويض من اليوم الثاني عشر للدوره إلى اليوم السادس عشر هذي الأيام ركزي عليها (12-14-16) وممكن بعدها

تحياتي لك وانشاء الله ربي يرزقنا الذريه الصالحه

أختي وصايف اسأل الله أن يرزقك ويرزقني وكل من تريد الحمل يااااااااااارب ....

يالنسبة للأختبار عزيزتي ...أعتقد معه روشته ..يبين لك متى تبدئي بالاختبار ..حسب مدة دورتك ..مثلا إذا كانت 28 يوم فراح تبدئي من اليوم 11 ...

أنا عندي هذا الأختبار وعندي جدول له إذا ماكن عندك الجدول قوليلي دورتك كم يوم وأنا أكتبلك متى تبدئي بالاختبار

خمائل عيوني مشكورة وانا اخذته من صيدليه الحياه في الدمام
سعره 75 ريال ارخص نوع لان عنده نوع ب200 ونوع 500
لكن هذا يعتمد على البول مو اللعاب مثل الثانيه
امل الروح مشكوره حبيبتي وياليت تكتبيلي الجدول اذا ما عليك كلافه عيوني

مشكوره على الرد السريع
وصــــــــايف:27:

عزيزتي وصايف ,,

ممكن تكتبين اسمه ..

لأني شفت في صيدليه في الرياض نوعين واحد يعتمد على اللعاب وهذا ب250 والثاني على البول وفيه 3 اختبارات وسعره ب75

والاثنين طبعا من نفس الشركه ..

يعني فيه شركات كثيره تصدر هذا الجهاز والا شركه واحده ؟!

من عيوني أختي وصايف
إذا كان طول الدورة 21 يوم فراح تبدئي من اليوم 5 للدورة وهكذا بقية الأيام

22 من 5
23 من 6
24 من 7
25 من 8
26 من 9
27 من 10
28 من 11
29 من 12
30 من 13
31 من 14
32 من 15
33 من 16
34 من 17
35 من 18
36 من 19
37 من 20
38 من 21
39 من 22
40 من 23

طبعا إلي دورتهم أق 21 يوم وأكثر من 40 ماينفع ليهم الأختبار ....

آمل أكون أفدتك اختي وصايف وإن شاء الله نسمع عنك أخبار حلوة قريب