جهاز تصنت وابي مساعدتكم

عزيزتي

لا يجوز تتبع العورات حتى لو كانت على الزوج تتركه مادام ستر على نفسه...

وراح تتعب نفسيتها أكثر لو سمعت شي كذا وإلا كذا أبدا مو في صالحها إنها تسمع اللي يزعلها


تصلي آخر الليل وتدعي إن الله يوريها الحق عيان بيان وربي بييسر لها البينة عليه بدون من تلف وراه...

انصحيها تراها بتموت من القهر قبل تحصل اللي تدور عليه!


الله يهديه لها...

هى جذى بتاذى روححها بدل ما تحل المشكله

ماعرفنا ليه يقعد بروحه بالغرفه ...؟؟ والحمدلله انه عندها بالبيت ولا يروح بمكان ثانى ..
اول شى لازم الزوجه تكون متأكده انها مسويه كل حقوق الزوج عليها .. يعنى مو منقصه من حقوقه الزوجيه شى .. من لبس واهتمام وكلام طيب و تبحث عن اى شى تحس انه محتاجه ويبحث عنه بالخارج .. بعدها اذا كانت شاكه بصديقتها .. لازم تجلس مع صديقتها وتسولف لها ان عندها مشكله .. فى ان زوجها شاكه انه يتكلم مع وحده .. وخليها تتكلم مع صديقتها كأنها ماتعرف عن الموضوع .. المهم تشوف اشلون تكون ردة فعلها .. اذا عرفت انها شاكه بأحد المهم تتأكد من حدسها .. وخليها تسألها بشنو تنصحها او شالعمل مع هالصديقه اللى خانت الصداقه من اجل رجل عيوبه اكثر من حسناته وخليها تقول لها ان زوجها بخيل لأبعد الحدود وان عيوبه كثيره ولكنها هى تسترها .. المهم بطريقه تخلى صديقتها تصرف عن النظر .. يعنى تقول ان البنت اللى يكلمها يكلم غيرها وغيرها مو بس هى ..بعدها .. اكبر غلط انها تواجه زوجها بالامر .. يعنى خليها ساكته يمكن زلة وتعدى لكن المهم تتعامل بذكاء مع الأمر .. وتسأل زوجها على يوم وهى سهرانه معه .. شنو يحب او شنو يتمنى .. وتسأله يافلان .. تحب اغير فى نفسى شى او فيه شى مو عاجبك فينى تحب انى اغيره . مثلا بجلسه حلوه هاديه .. او مثلا .. حل لطيف ومفيد
انها تحط عن راسه وعند مخدته ورود حمرا وتكتب له رساله بجنبها .. انها تحس انه متغير عليها .. وتحس انه مشغول عنها وتذكره بأحاديث دينيه .. عن حب الزوج لزوجته وواجب اهتمامه فيها وتسأله ان كان فيه تقصير من جنبها انها يمكن تكون غافله عنه .. والواجب هو ينبها له .. وفيه حركه جدا حلوه .. تحط قصاصات ورق .. بجيبه .. بثنايا شماغه .. تحت مخدته
بكلمات فيها ذكر الرحمن .. الله يحفظك .. الله يخليك لنا .. الله يحفظك من شياطين الانس والجن
علميه بسالفة ان كنتى بمجلس وتكلمى ان فلانه مسكينه اكتشفت ان زوجها على علاقة بوحده من اعز صديقاتها .. وانه رجال متزوج مايخاف ربه يكلم وحده اجنبيه عنه .. وعلميه انها خانت اهلها يوم تكلمت معه .. كيف الرجل يضمن انها ماتخونه .. اذا هى خانة اهلها بالبدايه وقولى اعوذ بالله اللله يكفينا شر هالبنات اللى يرمن نفسهن على الرجال المتزوج ...
وحاولى بذكائك تسودين صورة المرأه اللى تتكلم بالتلفون مع رجل متزوج .. وانها بدل ماتدخل لها معهد دينى يشغل وقتها او تشغل نفسها بشى مفيد صارت تبحث عن مداخل الشيطان .. وتبحث عن توافه الامور والمعاكسات الهاتفيه
حاولى انك تفتحين هالمواضيح بطريقه غير مقصوده .. وان الحريم كلهم يتكلمون عنها .. وقولى انها بعد ماسرقت الرجال من بيته .. اكتشف انها تكلم واحد غيره كان واعدها بالزواج .. وغيره .. المهم حاولى تشوهين صورتهن علشان يحس انه غلطان ويرجع لعقله .. وقولى تصدق هو غافل عنها شهور لحد ماشاف بعينه .. انها تخونه .. والحين يبغى يطلقها لكنها كتبت عليه مؤخر صداق يكسر ظهره .. وانتى وشطارتك بتأليف قصص..
والمهم انها تتأكد انها مو مقصره بحقوقه عليها وانها تعطيه حقوقه الزوجيه .. وتهتم وتكشخ وتتدلع .. وتهتم بكل مايحبه الرجل بالمرأه ..

هذى نصيحتى .. لك ولصديقتك

جهاز تنصت ؟؟؟؟
وخزياه

هذي تبي تجيب المرض لنفسها :)