السلام عليكم
انا امس قررت اقطع حبوب منع الحمل و زوجي قال خلاص ماكو حبوب المهم السبب لان كل موانع الحمل الهرمونيه مثل الحبوب و اللصقات و الابر و اللولب الهرموني و الحلقة الهرمونيه كلهم لهم اثار جانبيه تخرع مثل زيادة فرصة الاصابة بالسرطان و زيادة الاصابة بالجلطات و ياما سمعنا بحريم ماتو ولا دخلو العنايه المركزة بسبب جلطات حبوب منع الحمل فا انا قلت ليش احط روحي بهالموقف لاقدر الله صار فيني شي ماراح ينفع الندم و منو يربي عيالي و جذي
امس شفت بريولي بقعه حمرة تحت الجلد و قمت اوسوس انها جلطة و تخيلت اني راح اموت جان زوجي يقولي خلاص وقفي حبوب
عموما كنت ادور بالنت عن موانع الحمل الطبيعيه و اللي ما تاثر عالمرضع
لقيت وايد اشياء مثل التحاميل و الرغوة و الاسفنجة و غطا عنق الرحم من هالطقة للاستخدام النسائي
غير العازل الذكري
بعدين طحت على شي عجييييييب غرييييييييب اللي اهو جهاز كشف التبويض !!!!!
يقولج الجهاز عن طريق درجة حرارة جسمج متى ايام الحمل و متى ايام الامان خوش!
يعني مو كل مرة جماع لازم عزل!
بس ايام الخطوره اللي اهي تقريبا اسبوع من كل دوره
ممكن تقولين هذا نفس طريقة العد ...اقولج لااا ابدا لان الجهاز يصلح حق اللي دورتها مو منتظمه او وايد طويله العد مايصلح
طبعا جهاز كشف التبويض ممكن يساعد على الحمل كذلك مو بس منع الحمل و بعض الاجهزة تحدد حمل في بنت او حمل في ولد ...
طريقة الجهاز انج كل يوم من بعد ما تييج الدوره تحطين الجهاز مال الحراره تحت اللسان كل يوم بنفس الوقت تقريبا بعد ماتنامين 5 ساعات متواصله يعني الصبح او الفجر قبل ما تقومين من الفراش و بس الجهاز يحدد اذا اليوم امان ولا لا
الاجهزه اغلبهم صناعه المانيه و احسن جهازين و اشهرهم و صارلهم 25 سنه بالسوق اهم Lady comp و Cyclotest
هالجهازين مسوينهم حق منع الحمل و في نفسهم بس للحمل بس اهما تقريبا نفس الشي اللي اهم Baby comp و Cyclotest Baby
اذا كنتي ترضعين لازم تنطرين تييج الدوره عشان تبتدين تستخدمين الجهاز و لازم تنامين 5 ساعات بالليل عشان تكون درجة حراره الجسم دقيقه و مضبوطه
ماتصدقون شكر الناس يمدحون هالاجهزة بالمواقع الاجنبيه و الحلو فيه ان فيه تعاون بين الزوج و الزوجه يعني مو كل شي عالزوجه تاخذ حبوب و تتحمل الاثار الجانبيه و لا كلشي عالزوج مثل العزل صار نص بالنص
انتي عليج كليوم الصبح تحطين الجهاز مال الحراره تحت لسانج و خلال 30 ثانيه يعطي النتيجه و الزوج عليه ايام الخطوره يعزل و لا يستخدم كوندوم و كلها اسبوع كل شهر
انا شكلي راح اطلب Cyclotest لان سعره اقل من الثاني و حسيتهم نفس المواصفات بس ليلحين قاعده ابحث بالموضوع
و ترا الاجهزة جوده عاليه و يطولون يعني 10 سنين جذي و لهم قطع غيار و كلشي
في ناس كاتبين انهم يستخدمونهم من 9 سنين لمنع الحمل و ماشي الحال ممتاز
و هالجهاز نسبة ضمانه لمنع الحمل فوق ال99٪ يعني حاله حال حبوب منع الحمل و وايد دقيق بتحديد ايام التبويض
الاجهزة موجودة بالنت مثلا امازون و بعض مواقع الصيدليات
قلت انا استخدم هالجهاز طول ما انا ابي امنع الحمل بس مفكره احمل بالمستقبل و اذا صار خلاص مابي احمل راح احط اللولب العادي عشان لاقدر الله صار التهاب و لا شي ياثر عالخصوبه ما اتحسف
شرايكم بالجهاز؟
طبعا الموضوع ناقلتة بس والله
لو يطيح هالجهاز بيدي كان صارت
علووووووم:icon28:
ابي شي طبيعي يابنات المسلمين
هالجهاز صدقي والا كذبي << بزر خخخخخخخ
ووين القاة؟
عضوه عالم حواء @aadoh_aaalm_hoaaa
محررة ذهبية
يلزم عليك تسجيل الدخول أولًا لكتابة تعليق.
العصفورة البريئة
•
رفع
leezoo
•
والله رهيب وانا سامعة فيه من زمان بس ما اعرف احد جربه ؟؟؟والله ودي نفتك من هالحبوب اللي ذبحتنا ..والله الدكتور هزأ اختي من حبوب منع الحمل وقالها الوحدة منكم عمرها بالعشرينات وتذبح نفسها بها الحبوب المصيبة ؟؟؟تجيب جلطات واكتئاب وبلااااوي؟؟
يا الله فرحت بالموضوع وتفاجأت انو منقول
يا ليت احد يتاكد ويبحث ومشكوره على النقل اختي
..................................................
الصفحة الأخيرة