up

السلام عليكم ورحمة الله وبركاته اختي أم الجواهر عيدك مبارك أولا وعساكم من عواده شوفي اختي انا عندي هالجهاز Tomy Walkabout Platinum Digital شريته من مذركير ب 64 دينار كويتي والجهاز روعة بصراحة الصوت نقي وواضح وفيه مميزات كثيرة منها انه الوحدة اللي تشيلها الأم ممكن تنشحن وممكن تشتغل بالبطارية يعني كيفك والمدى ماله زين وممكن تشغلين لمة بالجهاز اللي ينحط جنب البيبي عن طريق الوحدة اللي تشيلها الأم يعني ممكن تسغيل لليمبة وتطفينها من اي مكان انتي فيه من غير ماتدخلين غرفة البيبي وبعد تقدرين تكلمين الطفل من المكان اللي انتي فيه يعني لوو البيبي كبير شوية ويفهم ويوعى لصوت أمه ممكن تكلمينه وتهدينه لحد ما توصلين لغرفته يعني الصوت ينتقل من البيبي حقك ومنك للبيبي وفيه مواصفات ثانية ما اذكرها الحين بس تقدرين تخدلين علة موقع مذركير وتقرين المواصفات مالت الجهاز .

بصراحة انا وايد نفعني هالجهاز قبل قلبي يعورني وكل شوي لورح اطل على البيبي اخاف يبكي وما اسمع صوته بس بعد ما جبت هالجهاز ارتحت وعا ما لكن عشان اكون صريحة معاك واصدقك النصيحة يفضل انك تجيبين جهاز ينقل لك صورة البيبي مو بس صوته لأ، تدرين البيبي احيانا يتحرك وتتحرك البطانية معاه وتغطي وجهه يعني لله الحمد انا مع اني حطيت الجهاز وقلبي برد شوي لكن همن احط في بالي ان في شي مغطي علىة وجهه او مو قادر يتنفس او شي واحيانا ادخل القى الغطا على وجهه عشان جذيه افكر اجيب جهاز ثاني يصورة وصوت منها اراقب البيبي والخدامه بعد يعني عصفورين بحجر فنصيحو مني اذا ناوية تشترين جيبي اللي فيه صورة وصوت احسن .

انا بعد ابي جهاز
ودي بكاميرا بس الظاهر شكله كبير هل هو سهل انك تحطينه بالشنطه حقت البيبي لاني شفت كاتلوج مذركير كنه كبير ابو كاميرا

وينكم يابنات ليت الي عندها جهاز ابو كاميرا تقولنا عنه

انا عندي جهاز من مذركير وله عندي 9 سنوات استخدمته لكل اولادي

بس بدون كاميرا بس صوت

اشتريته ب400 درهم تقريبا

بالنسبة لسعر الاجهزة اللي في مذركير بالكاميرا تقريبا700 وما فوق