جهاز يديد يساعد على حرق السعرات للي يبون يضيفونه لروتينهم اليومي الى جانب المشي

مررررحباااا....
شحالكم عزيزاتي...و شخباركم ويا الرجيمات و التخفيف :27:
ما بطول عليكم...بغيت اخبركم عن جهاز خفيف و فنان ممكن تستخدمونه كمساعد على حرق الدهون و شد الجسم ...مع المحااااافظه على المشي يوميا...لأنها أهم و أكثر رياضه فعاله...و إسمه Twist & Shape ...جهاز يشبه الستيبر بس ميزته إنه يتحرك جدام وورا و يمين ويسار و بدون حدايد تتيودين فيهم...
هذا الجهاز جفت دعايته لما كنت مسافره قبل أسبوعين...ووااايد كانوا امسويين عليه حشره و قرقعه :D وكانوا يحطون بعد دعاية جهاز ثاني و اسمه Lateral Tigh Trainer..و كلهم نفس الفكره بس الثاني نزل قبل و له أعتقد سنتين في السوق...اللي يميز اليديد على الجديم إنهم عالجوا المشاكل اللي كانت تواجه الناس اللي استخدموا ألجهاز الجديم...و هالشي ما عرفته من الدعايات....لأ عرفته لما رديت البلاد و يلست أدور واايد على الإنترنت عن الجهازين..على أساس كنت ابا معلومات عن مدى فاعليتهم...و حصلت موقع متخصص في عرض تجارب الناس ويا معظم الأجهزه الرياضيه و مستويات الأجهزه على حسب الإستخدام....بحطلكم الموقع عقب...المهم حصلت الجهاز الجديم...ومع تباين آراء الناس حد يقول الجهاز يخبل و حد يقول إنه ما فادهم(طبعا يعتمد على حسب إستخدام الشخص)..بس الأغلبيه وااايد اشكروا في الجهاز وقالوا إنهم قدروا يتخلصون من الكيلوجرامات الزايده + إنه ساعدهم عل شد بعض مناطق الجسم و بالأخص الأرداف...بس نفسهم اللي مدحوا قالوا بس إنهم يعانون من الصنقل اللي داخل الجهاز اللي امبين فتره و الثانيه ينقص و يظطرون يستبدلونه..و بعد لازم كل فتره و الثانيه يظيفون زيوت معينه علشان يتحرك الجهاز بسهوله..و طبعا لهالسبب دايما يليك الجهاز..بس يقولون مستعدين نتحمل لأنه فعلا يعطي نتايج مرضيه...و يتمنون إنه ينزل جهاز بنفس الفكره بس يكون أظبط في الصنع...
و عقب حصلت في موقع ثاني عن الجهاز اليديد..و ميزته إنه ما يعتمد على الصناقل و لكن يعتمد على ضخ الهوا..و مدحوه و قالوا إنه المشكله اللي كانوا يواجهونها قبل مب موجوده في هالجهاز...
المهم حصلت الجهاز في الإنترنت بس قلت يمكن أحصله في الإمارات...و فعلا حصلته في محل للأجهزه الرياضيه و يتعامل معاهم ريلي من فتره و معروف عند الشباب..في دبي...اسمه Leader Sport ...والصراحه أجهزتهم مضمونه...و أرخص شوي من بضاعة Sun $ Sand Sports ...الصراحه حصلت الجهاز بالصدفه لأنه كنت اساسا سايره أشتري جهاز المشي..و تفاجأت لما شفته...و شفت نفس الجهاز من شركه ثانيه بعد اسمه Twist Stepper...يوم سألتهم عن الفرق قاللي كلهم أوكي وما عليهم كلام او شكاوي بس الشركه الثانيه أعرق في إنتاج الأجهزه الرياضيه..وكلهم نفس السعر 200 درهم..
الصراحه عقب المديح اللي شفته في النت قلت لازم آخذه...لأنه ما أحب أشتري جهاز بس لأنه دعايته جذبتني..لأنه ممكن يطلع فاشل و ما يسوي شغل و أكون خسرت فيه...
واسمحولي طولت عليكم بس حبيت أشارككم في هاي المعلومات...و تمنياتي للجميع بالتوفيق...

ودمممتم ساااااااااااااالمين :27: