جهد سنه كامله متحسفه يضيع

اهلا ياجميلات..
فكرت بمشروع وهو متابعة ودروس تقويه لأاطفال المرحله الإبتدائية وطبعا بعد ١٠ سنوات من التخرج و انتظار الوظيفة الحكوميهونفس الشي اختي متخرجه من ٨ سنوات وبدون وظيفهونفس الوضع زوجة اخوي متخرجه من ١١سنه وكلنا تخصصات علميه أحياء كيمياء رياضيات وفعلا طرحت الفكره وتحمسوا للفكرة العائق كان المكان فاستاجرنا شقه ودفعنا فيها مبلغ ٦٠ الف غير مبلغ الإيجار جهزناها من تكييف وارضيات باركيه وقسم العاب وطاولات وكراسي وأرفف وسبورات فصار المكان عباره عن مركز مكتمل تحمست امي للفكرة وقالت بكون معاكم ودفعت معانا ودورها تساعدنا وترتب الوضع يعني بتكون في الاستقبالكل وحده دفعت ٢٠ الف ريال و جهزنا كل شي وبدينا ندرس من بدايه السنه الدراسيه اول شهر انسحبت اختي عشان ولدها يبكي ويتهاوش مع الأطفال اللي يجون المركز وبعدها امي صارت ماتداوم بانتظام و كل يوم عذر ماجلست ،،نمت ؛؛طلعت ،،مصدعه ، جسمي مكسر،،رجلي توجعني ،،بقيت انا وزوجة اخوي زوجة اخوي بدأت تسوي حركات بحيث تدرس فقط الأطفال اللي بالصفوف الدنيا وترمي علي صف رابع وخامس وسادس بحجه ماتعرف رياضيات الصفوف العليا ولاتعرف انجليزي وطبعا الصفوف هذي مسؤوليتهم اكبر واختبارات كثيره وصلت لمرحله حتى بيتي واطفالي هملتهم ارجع من المركز الليل ومتكسره وعيالي ماعندي وقت ادرسهم يادوب اطبخ لهم واغسل ملابسهم للمدرسه رسلت رساله للقروب اللي حق المركز ليش مايتقسم الشغل بالتساوي والمهام كذلك بحيث كل وحده تداوم اربع ساعات لان الدوام ٨ ساعات ولا حد رد اللي مضايقني اني خسرت فلوس وجهد كبير بذلته بهذا المشروع على أمل يكون لي راتب اصرف على نفسي منه بدون منه احد علي لكن بوادر فشل المشروع مضايقتني
احتاج أراء وحلول ..