جهزت شنطة المستشفى .. شوفوا شو الناقص وشو الزايد ؟؟؟

السلام عليكم ورحمة الله وبركاته ...

يا الغاليات .. أنا اليوم اول يوم لي بالشهر التاسع ... والله يتمم لي على خير انا والنونو ..

ويرزق كل محروم يارب ...

المهم بديت اجهز شنطة المستشفى .. وحطيت فيها بعض الاغراض وماادري أذا ناقصني شيء وبشو تنصحوني ..

خاصة انه اول حمل .. وبعيدة عن اهلي .. ومافي حد يجيب لي الناقص من البيت ومثل ما تعرفون الرجال .. ما يعرفون يجيبون طلباتنا ...

المهم حطيت ..

جلابيتين خفاف لي أنا ...+ شيلهن ..
شبشب + جوربين

فوط صحية + ملابس داخليه ..
شور كاب ( ماابغي ابلل شعري ) + مزيل عرق + مناشف صغيرة ..
فرشاه اسنان + معجون +مشط + علبة مناديل ورقية

-------------------------------------------
طقم لبس كامل للبيبي ..يتكون من
الفانيلة الداخلية + افرول + قماط + لفة + قبعة ( للخروج من المستشفى )


---------------------------------------------------------
حطيت قربة الماي الحار في حال حسيت بألم في بطني بعد الولادة ..
وأبغي أحط معاي علبة فيها تمر مخلط بفلفل اسود مع رشاد وزنجبيل ..
وأبغي أحط معاي اعشاب .. واطلب الماي المغلي من زوجي ..



----------------------------------
هذي الاشياء اللي جهزتهم ونويت عليهم ..

ماأعرف أذا في نواقص او زيادات مالها داعي ؟؟ احتاج مشورتكم ...

وأشكركم جزيل الشكر مقدما ..