جهزت شنطتي للحج وما حجيت وربي قهر

السلام عليكم ورحمة الله وبركاته

كل عام وانتم بالف خير يا اغلى اخوات لي في الدنيا

اللي صار ان زوجي بغى يسجل لنا في حمله نحج بس صادف ان الوالده بتحج هالسنه وانا ما ارتاح اترك عيالي غير عندها المهم بعد وقت غصبت على نفسي بخليهم عند اختي تدرس في الثانوي والحافظ الله مع سيل من التوجيهات والاحتياطات المهم جينا ندور حمله خلاص قفلت كلها ندور من هنا من هناك مافي

قالي زوجي خلاص ما الله كتب خليها السنه الجايه >>>ياربي انا نويت وادري السنه الجايه انا فوق الارض ولا تحتها وهي حجة الفريضه >>>قلت مو لازم حمله بحج على السنه وتحت الشمس وبعيش جو الحج

المهم اصريت راسي والف سيف احج >>>على فكره انا من سكان مكه واروح السوق واخذ لي غيارات ملابس واعبي الشنطه واجهزها من يوم 7 وانا مقفلتها واحس اني طايره من الفرحه ومابقى احد مايوصيني ادعيله

ومن الساعه 10 الصبح من يوم الترويه قامت بنتي من نومها تستفرغ الله يكرمكم تسهل وطول اليوم على هذا الحال الى بعد المغرب وداها ابوها المستشفى والحمد لله عليها نامت وارتاحت وارتحت انا اخليهم وهم طيبين مو مرضى

وعلى اساس نمشي الساعه 12 الليل احطهم عند اختي وامشي على عرفه بس جانا ابو زوجي وجلس الى الساعه 1 عندنا قالي زوجي خلاص بنصلي الفجر ونمشي

وخير من ربي ما جات الساعه 2 الا انا بحالة الهم استفراغ واسهال الله يكرمكم غير المغص سكاكين تقطع في بطني جلست طول الليل وعلى الفجر وانا بموت من الالم ورايحه جايه على الحمام الله يكرمكم

الساعه 8 قال زوجي يالله مشينا وين امشي >>>اجل هونتي قلت لا اصبر الى الساعه 11 ان شاء الله اني احسن وكل شوي يجيني هاه كيف سويتي نمشي ولا لا وانا اقول اصبر هي عاد فيها صبر اليوم راح وخلاص

الساعه وحده الظهر قالي ياحرمه يمكن خيره من الله ما مرضتي الا اليوم وقتها حسيت اني يأست خلاص من الحج وربي الصبح اطالع الحجاج ووقت الظهر وهم تحت الشمس وانا ابكي ياربي ترزقني الحج السنه الجايه

والله يا بنات ما جات الساعه 5 العصر الا انا مثل الحصان ما شاء الله مافيني شي واسوي فطور زوجي صايم لاني حتى الصيام ماصمت الحمد لله على كل حال وقتها بس قلت لعلها خيره من الله والله اعلم

ادعولي احج السنه الجايه وانا بصحه وعافيه ويرزقني ربي حفظ القران كااااااااااااامل اللهم امين ولمن امنت