جهزت عدة النفااس ،، تعالو شوفو وش جبت وبنفس الوقت ساعدوني :(

السلام عليكم ورحمة الله وبركاته ،،
حبيباتي انا دخلت التاسع لي يمكن يوم وقبله باسبوع رحت العطار وشريت اغراض النفااس ولاني بكريه وكلن يقول البكر لازم من اول نفااس لها تهتم عشان ماتاثر عليها النفاسات الجايه المهم بقولكم وش جبت ..
جبت رشاد وقشر رمان على اساس استخدمه اذا انقطع الدم <<<ولانه مهم جبته اول شئ من خبرات البنات انها تضوق وتنظف الرحم .
وشريت مره وحلتيته وصبره وخواجوا هذوول ابي اخلطهم مع بعض خذيت طريقته من وحده هنا واحطهم على زيت زيتون واصير كل ما دخلت الحمام الله يكرمكن امسح فيه على الفوطه ..
وشريت حلبه بس فيه ناس تقولي احمسها وناس تقول لا فمدري وش رايكم وقصدي اشربها واكلها بس بالااسبوعين الاوله من النفااس .
وشريت ماش وبرضه محتاره الي يقول حمسيها والي يقول خليها مثل ماهي .
ااااممممممم وش بعد وطبعا كمون وقرفه وفلفل اسود وقشر القهوه وسنوت الي هو اليانسوون وزنجبيل.
وطبعا شريت سدر ورق وطحنته عشان اهتم بشعري طول فترة النفااس ، ودورت على الورس بس مالقيته لاني قريت عنه انهم كاننو يستخدمونه نساء النبي في ازالة اثار الكلف والحمل بس ماحصلته ولا اعرف له اسم ثااني .
وبس والي تبي تضيف شئ تضيفه او انا غلطت بشئ تصححلي ولكم مني كل الشكر والله يسهل على كل وحده ..