عآشقة.. @aaashk_20
فريق الإدارة والمحتوى
💛جهزوا اطفالكم قبل الشتاء☃️🌬
قبل سنتين كتبت موضوع مشابه لهذا و كان جداً مهم و حلوو .. دورته و للاسف انحولت عيوني.. ضايع بين المواضيع😅قررت اكتبه من جديد💫
هالشغلات اللي اقول لكم تجهزونها لاطفالكم جهزوها كمان لكم🤚🏻.. لكن خصصت في عنواني الاطفال لانهم اقل مقاومة للامراض .. و مخلوقات ضعيفة يكسرون قلوبنا لو مرضوا الله يحميهم .. قد م تقدرون حافظوا ع صحّتهم💗
🌧💛زنجبيل مبشور او مطحون و موزّع في قوالب سيلكون و بس تجمد فكّكيها و احفظيها ب برطمان او كيس نايلون..(و صيري اشربيه لحاله او مع الحليب)
☃️☃️
🌧💛كيلو شمندر .. اعصريه ب العصارة🍷 .. و وزّعية في اكواب البلاستِك البيضاء .. و لما تصلحين لاُسرتك عصير برتقال او فواكة وقت الشتاء خذي كوب واحد من الشمندر و حطيها وسط العصير (مفيد لكن متعب وقت العصر او الخلط عشان كذا اعصريه مرة وحدة و ارتاحي)
و قيمته الغذائية في الفريزر تدوم لك اكثر من لما يكون ب الثلاجة❄️
☃️☃️
🌧💛صلحي لأطفالك شوربة صحيّة مكونة من انواع الخضروات المفيدة مع الشوفان🥦🥔 و وزعيها في عِلب و على الفريزر 🍵 و في كل يوم طلعي علبة و خليها تلين شوي ثم دفّيها🔥 و ممكن تضيفين لها شوي موية لو احتاجت
(الشوربة كمان من الاشياء اللي تحتفظ ب قيمتها الغذائية في الفريزر اكثر من الثلاجة) و مهمة للاطفال وقت الشتاء.. ❄️
☃️☃️
🌧💛عصير الانفلونزا (هالحركة تسهّل عليك و تحمسك للعصير تصلحينه بشكل يومي.. اشتري لفة اكياس حفظ الطعام .. و في كل كيس حطي مقدار فواكه العصير اليومي .. 2برتقال🍊 2جزر🥕 2كيوي🥝 1تفاحة🍏 1ليمون صغير🍋) قللي الكمية او كثري حسب عددكم .. و كل يوم طلعي كيسة و اعصري (العصير ضروري يكون ب شكل يومي وقت الشتاء)🥤
☃️☃️
🌧💛اشتري كيلو ثوم .. قشريه و حطيه ب الخلاط و اضيفي له فنجان زيت زيتون و ذرّة ملح .. و اخلطيه .. ثم وزعيه ب السيلكون گ مكعبات و فرزنية و بس يجمد اجمعيه في برطمان (وبكذا تعيش معك قيمته الغذائية) و حاولي تضيفينه في كل وجباتك .. الثوم من الاشياء اللي تحارب الفايروسات و الامراض وقت الشتاء و يقوي المناعة💗❄️
☃️☃️
🌧💛في حركة شفتها ب السناب و طبقّتها العام الماضي تجنن💗(في ابريق صلحي مقدار كوب من مشروب الزنجبيل بدون اضافات .. و خليه يطبخ ربع ساعة و طفي.. صفي المشروب و اضيفي له 5ملاعق عسل و عصير ليمونة كاملة .. و بس يبرد المشروب وزعيه فيه قوالب صغيرة سيلكون و فرزنيها .. لما تجمد احفظيها في برطمان او كيس .. و كل يوم امضغي حبة وحدة و حطي ل اطفالك (مفيدة للحلق)❄️💓
☃️☃️
🌧💛خلال يومك صلحي صحن سلطة لك ولاطفالك..
☃️☃️
🌧💛احرصي على شرب كوب واحد من الاعشاب ب شكل يومي 🌱.. سواءاً يانسون او زنجبيل او شمَر او او او ...الخ) ..
☃️☃️
🌧💛 اطفالك ثم اطفالك🧒🏻👧🏻.. قد م تقدرين ابعدي عنهم الحلويات و الشبسات (غذيهم و ساعدي مناعتهم تقاوم امراض الشتاء و فايروساته🦠) ..❄️ لا تصلحين لهم اشياء صحيه و تعطينهم انواع الحلويات و الوجبات السريعة و الشبسات ثم تقولين ليش مناعتهم ضعيفة..❌ ما اقول لك ما راح يمرضون طول العمر مع الاكل الصحي .. لكن ع الاقل يقاومون المرض ..يومين ثلاثة و يتعافون ب اذن الله و ما يتعبونك 💓
☃️☃️
🌧💛خلطة الانفلونزا (اعتبرها نعمة من ربي..الله يكتب اجر من اخترعها) .. في قدر اضيفي 5ملاعق فازلين🎀 4ملاعق فكس🎀 نص كوب زيت سمسم🎀 ملعقة ملح🎀 ملعقة قرنفل مطحون🎀 ملعقة زنجبيل بودرة🎀
اول شيء اضيفي الزيت و الفكس و الفازلين .. اذا ذاب حطي بقية المقادير .. و حركيها زييين حتى يذوب الملح .. و بس يبدا يطلع فقاعات الغليان خليها 10ثوااني مع التحريك المستمر ثم طفي على طوول .. بعدها انتظريها شوي ربع ساعة (حتى تمتص فوائد البودرات) ثم صفّيها من الشوائب بمشخال .. و حطيها ب علبة و خليها تجمد 💓..
(هالكريم اوووول م تشوفين اطفالك عندهم سيلان انف حتى لو بسسسيط او حسيتي مجرد احساس انهم راح يمرضون او كان عندهم بدددااااية سخونة على طووول خذي من هالكريم نتفة و ادهني صدرهم + بطنهم حول السرّة + اسفل اقدامهم (بطن القدم) و لبسيهم فوقها ملابس ثقيييلللة👕 و جوارب سميكة او سليبر🧦 .. و انتبهي اذا حطيتي الخلطة تعرضينهم لتيار بارد سواءا هواء البر او مكيف و حتى لو تضايقوا من الحر او طفشواا م عليك انتبهي تخففين الملابس وقت الخلطة لان فيها فكس و قرنفل❌❌ ب اذن الله اليوم الثاني ما تشوفين فيهم اي عرض للمرض ابدددداً 👌🏻طبعاً هذا اذا بديتي من بدري يعني مجرد حسيتي انهم راح يمرضون و استخدمتي الخلطة فوراً💓 و تنفع للكبار
☃️☃️
🌧💛 لو عندكم طلعة احرصي اطفالك تدهنين صدرهم و بطنهم و ظهرهم و صيوان الاذن و باطن الاقدام ب فالفازلين الجلّ (مو اللوشن❌) .. حلو لانه يقفل المسامات شوي و بكذا راح يكون له دور في صَـد البرد م يدخلهم💓❄️ او حتى للاطفال اللي عندهم دوامات 👧🏻🧒🏻
و اللي عندها اشياء مهمة تطرحها و نستفيد🌟
10
2K
يلزم عليك تسجيل الدخول أولًا لكتابة تعليق.
عآشقة..
•
بالنسبة لخلطة الفلونزا الي فيها سمسم... تراها غير مناسبة للاطفال المصابين بحساسية الصدر او الربو..... انتبهو منها..... انا شخصيا جربتها لولدي وعنده ربو وماكنت اعرف ان زيت السمسم مايصلح لهم ولما دهنت صدره والله العظيم بعدها على طوول تعب اكثر وتنوم ذاك اليوم 💔💔 المهم ياناس الي عيالها فيهم ربو او حساسيه ترا غير مناسبة لهم هذي الخلطه... اللهم بلغت اللهم فاشهدبالنسبة لخلطة الفلونزا الي فيها سمسم... تراها غير مناسبة للاطفال المصابين بحساسية الصدر او...
يا زينك💓
اجل خلي عندك علم ان المصابين ب الربو ينصحونهم بدهن الصدر بشكل يومي بزيت السمسم سواءاً اطفال او كبار ☺️🧡
و في الاغلب ينصحون ب رشف ملعقة منه لاصحاب الربو (الشرب للكيار مو الاطفال) الاطفال مجرد دهن
اقري في المواقع و في مواقع الطب و شوفي🎀
معروف زيت السمسم ب فاعليّته ل حساسيات الصدر ايًّا كانت .. و العلم عند الله طبعاً
عموماً اللي تخاف تستبدله ب زيت الزيتون مع انو زيت السمسم هو المطلوب بحذافيره 👌🏻
اجل خلي عندك علم ان المصابين ب الربو ينصحونهم بدهن الصدر بشكل يومي بزيت السمسم سواءاً اطفال او كبار ☺️🧡
و في الاغلب ينصحون ب رشف ملعقة منه لاصحاب الربو (الشرب للكيار مو الاطفال) الاطفال مجرد دهن
اقري في المواقع و في مواقع الطب و شوفي🎀
معروف زيت السمسم ب فاعليّته ل حساسيات الصدر ايًّا كانت .. و العلم عند الله طبعاً
عموماً اللي تخاف تستبدله ب زيت الزيتون مع انو زيت السمسم هو المطلوب بحذافيره 👌🏻
زائرة
•
جزاك لله خير عشق ،
نصايح فعلاً مهمه 🌨💙💙
نصايح فعلاً مهمه 🌨💙💙
الصفحة الأخيرة
انا شخصيا جربتها لولدي وعنده ربو وماكنت اعرف ان زيت السمسم مايصلح لهم ولما دهنت صدره والله العظيم بعدها على طوول تعب اكثر وتنوم ذاك اليوم 💔💔
المهم ياناس الي عيالها فيهم ربو او حساسيه ترا غير مناسبة لهم هذي الخلطه... اللهم بلغت اللهم فاشهد