السلام عليكم ياحلى عضوات
وكل عام وانتم بخير ومبارك عليكم الشهر
الصراحه انا عندي برنامج وخطه مطبخيه اتريحنا بهالحر والرطوبه من الوقفه بالمطبخ ساعاة طويله
وخصوصا اذا كان المطبخ اصغير ومااعندج خدامه
والوحده مننا يالله اتلحق ع الطبخ وشلون عاد اذا تكدست الصحون عليها من التقصيص والتقطيع
فالقيت الحل السهل جداا وبهالوقت لازم الكل يحضر من الحين عشان نرتاح بهالشهر الفضيل ونتفرغ للعباده
فقررت اني افيد الكل مثل مااستفدت انا هالفكره اخذتهاا من عضوة بمنتدى والله اني ماذكر اسمها ولامنتدهاا ويمكن تكون من عالم حواء بس انا نااسيه بالمره ولامتذكرتها فلها كل الشكر والدعااء من كل قلبي
اولا الي عندها فريزن كبير يابختهاا ههههههههه والي ماعندها الا ثلاجه عاديه فمحلوله هو انج تشيلين الشبك الي بالنص الرف وراح تلاحظين انه مخرب عليج الفريزن وراح اتكزن عمندج مسااحه كبيره وعاليه للتخزين وكل وحده حسب عدد عايلتهاا
اولا
سيد الطبخات البصل
اشتريت خيشه كبيره حمراا وفرمتها فرم خشن بفرامة الملوخيه وشريت الاكياس الي تغلق وتفتح من محلات البلاستيكياات متوفره باحجام مختلفه
اخذت الكيس الي يكفي الطبخه الوحده وعبيت الكيس وسكرته وضغط عليه عشان يصير مسطح
وحطييته بعلب الحفظ البلاستيكيه
وسكرته وحطيته بالفريزن
وكمان شريت خيشت ثوم كبيره وحطيتها بالفريزن يومين وبعدها طلعتهاا وافرك الراس بالمااي وبسرعه يتقشر وفرمته
فرم ناعم بفرامة الملوخيه
وعبيته بالاكياس الصغيره جداا يعني تقريباا تاخذ اربع افصوص ثوم
وحطيته بهالعلبه وسكرته وبالفريزن
وكمان فرزنت الطمااط للشوربات والتشريب والمرق
والطريقه شريت كرتون كبير طماط وغسلته عدل وفرمته بالفرامه واخذة الاكياس الوسط يعني تقريباا كل كيس فيه طماط ملىء كوب جبن اصغير <<<<<<<<ههههههههه شوفو التعبير
وحطيته بعلبه وبالفريزن
وبعد يااخواتي الغاليه لقيت لكم حل سهل جداا للحفظ البقدوونس وماشابههاا
وهو غسله جيداا وتقطيع اعواده وفرمه بالفرامه وتكييسه باكياس صغيره ووضعه في علب وبالفريزن يوضع
وبعد فرزنت الفلفل البارد قطعته اصغاار وكيسته بالاكيااس الصغيره وحطيته بعلبه وبالفريز
وبعد الكشناات حقاات الرز الكشمش
سويت كميه كبيره وبنفس الطريقه كيسته وبعلبه وبالفريزن والله ياطعمه مايتغير لو بعد شهرين وكانه جديد ويريح من الحمس والتقصيص والتكاااسل لعمله مع كل وجبه
وكمان فرزنت السمبوسه لحم مفرووم استخدمة السنبله لان تاريخهاا يتااخر حيل ولا تفسد بسرعه مثل السويتز واللوزين وطعمهاا روعه
فرزنت اربع باكيتاات بحشوات مختلفه
1 باللحم المفروم على الطريقه الهنديه
2بالخضااار
3 بالبطااط والبيذنجاان والطحينيه مع ازالة كميه كبيره من الزيت
4 بالنقاانق وجبنة الموزريلااا
وكل صنف بعلبه ومكتوب عليه الحشووه
وبالتفريز مع الانتبااه لما تلفوونها لازم تحطونها بالاول بصينيه وبعدين لما تثلج ترصون بالعلبه مع وضع كيس بين كل طبقه وطبقه
وبعد سويت السبرنق روول كميه كبيره <<<نست اشكثر من وزود التعب هههههههه
سويتها بثلاث حشوات
1الاولى حشوت البيتزااا
2بحشوت الخضاار الملفوف والجزر
والثالثه بحشوت الشاورماا
وحطيت كل صنف ابروحه مع كتابة الاسم عليه
وبعد سويت اصاابع الكيري بعجينة السنبله 2
وبعد سويت حلى السبرنق رول بالكتكاات
كل صنف باكيتين عجينه
وبعد علبة كل صنف ابروحه وحطيت اسمه عليهاا
والجديد يالحلووات والي لفيت كل النت عليه عشان القا احد طبقه بس مالقيت ابداا
هوووووووووووووو
الكناافه بجبنة الموزريلااا
جبة العلب الالمنيووم مربعة الشكل متوسطة الحجم
ورصيت الكناافه فيهاا كاني بسويهاا وبعدين سكرتهااا عدل عدل وحطيتها بكيس وبالفريزن
وبعد البسبوسه بس سويتهاا من تحت وبعد مابردة فرزنتهاا سويت من كل صنف اربع
وبعد فرزنت الدوناات
وهذي الطريقه
المقادير
كاسين دقيق
بيضه
ثلاث ملاعق حليب بودره
ثلاث ملاعق سكر
6حبات جبن كيري
ملعقه كبيره خميره
ملعقه صغيره بكنج بودر
ملعقه صغيره فنليا
ثلاث ارباع كاس ماء دافي
الطريقه
تخلط جميع المقادير في الخلاط ماعدا
الدقيق والبكنج بودر
ثم توضع على الدقيق وتعجن جيدا وتترك تتخمر مدة ساعه
ونبدا بتشكيل العجين بعد تخميره
اول شي نفرد العجينه وطبعا مانستغني عن الطريقه المعتاده
والجبنيه وهذي طريقتها
مقاديره
2 كاس طحين ابيض
كاس جبن سائل اما كرافت او بوك
ملعقة شاي خميره فورية
ربع كاس ماء
زيت للقلي ..
قطر أو شيره يكفي للجبنيه
( فنجانين سكر في فنجان ماء + قليل من الزعفران )
فستق مفروم للتزيين
الطريقه
- نخلط الخميره مع الطحين ويعجن بالجبن ثم نضيف الماء
ثم نقوم بعجنها حتى تصبح العجينه طريه ثم نقوم بتغطيتها ونتركها
لمده ساعه
- نقوم بفردها بحيث تكون رقيقه وتقطع بقطاعة البسكويت
-بس اضفت م ص باكنج بودر عشان ريحة الخميره وحطيتهم ابصينيه وبالفريزن لحد مايثلجون وبعدين علبه بلاستيك وبالفريزن
وكمان قصصت خضرة المرق والايداماات للتشريب والممراصيع
وحطيت الاصناف الي نحبها بالمرق باستثنااء البيذنجان لانه يسوود
وحطيت حق كل طبخه بكيس وحطيتهم ابسله كبيره وعميقه وبالفريزن
وكمان انا قصصة ونضفت الدجااج وحطيته اباكيااس وبالفرين ابسله عميقه
وفي النهاايه اتمنى اني اكون افدتكم بشغلي وبتجربتي مع التفريز وبهالشي راح يصير الوقت عندج طويل جداا وراح تتفرغين لامور اهم من لف السمبوسه وعمل الحلوياات بعد الفطوور
ع فكره جميع هالاشيااء انا جربتهاا وراضيه فيها مليون بالميه وخواتي بعد جربوهاا ومرتااحين
واتمنى الكل يجربهاا ولا يتكااسل بالعكس هالشي حتى يوفر عليج الخضار لانها مراح تخرب ابداا مداام الفريزن شغاااااااال
الله الله بالردوود الحلووه ولاتطنشوني ترا ماحب التطنيش اخاف يلحقني حتى اهني