يالله يا أم البطل الله يعوضك جوال خيرا منه
على الأقل نعمه أنه يدق أنا جوالي طاح وأنا كنت رايحه عند ناس طاح على السيراميك
( إهتزت في الشكل الصوره والشاشه صارت مكسوره ) متاثرين بقناة المجد
المهم جوالي صار الله يرحم أموات المسلمين
لا وااي زاد الطين بله كان عندنا زواج بعد فتره وكان بنفس ذاك اليوم أختي رايحه للسوق
تشتري للبنوتات فساتين علشان يصيرون زي بعض والمشكله أنها لازم بتتصل علي تستفسر
وش الحل ياربي طلبت من اللي أنا عندها جوالها ودقيت على أختي وقلت لها إذا بغيتي شي دقي على هالرقم
<<<<<<<< كني قصيت قصة حياتي
لكن العجيب أن محل الجوال صلح لي الجوال مجانا
والحمدلله رجع لي جوالي سالما معافا
الله يعوضكم :26:

هههههههههاااااااي ..

ياحليلك يام البطل ..

يمكن في الأمر خيره .. ولا يضيق خلقك ..

<< ولا يهمك نرسلك أجهزه بدالهم << تراها أردى من اللي فوقها ..

الحمد لله على السلامه .. وتحياتنــا لك ياغااااليه ... :26:

هلاااااااا وغلااااااا عيوني ام البطل

احمدي ربك حبيبتي ان العين صابت الجوال ولا صابتك أنتي ...!!

عادي الجوال مقدور عليه تقدرين تغيرينه بأحسن منه لكن النفس صعب علاجها

<< وحده مجرررررررررربه

والله يعوضك بأحسن منه .....

اي والله الحمد الله اللي جت بالجوال مو بعيالك اللي حاطه صورهم

احمدي ربك والله يعوضك باحسن منه

على فكره نصيحه ترى الجوال اللي يخرب ويتصلح ما عاد منه فايده بيصير كل شوي يخرب

عاد الله يعينك جيبي جوال جديد واقري عليه لا تجيه عين هو بعد:17:

* الملاك الغريب * هلا بك يا الغلا 0
الحمد لله على سلامه جوالك 0 اما أنا مافيه فايدة في جوالي الله يعوضني بخير منه
ومشكورة عيوني على مرورك

*نورررررررة* هلا با الطله الحلوة عيوني 0
الحمد لله على سلامت جوالك ومثل هذة المواقف تحصل كثير لكن مالنا غير الصبر والحمد لله إنه تصلح ومجانا هذة نعمه كبيرة والله يبي لجوالي 250 ريال علشان يتصلح ويمكن كمان مايرجع مثل اول 0 لكن اصرفلي اشتري واحد جديد
ومشكورة يا عمري على مرورك 0

* العيون * هلا يا عسل صافي
عادي حبيبتي انا خلاص تأقلمت على الوضع الجديد جوال اعمى لين ربك يعوضنا 0 ويمكن فيها خيرة ما أحد يدري وين الخير 00 ولا تنسين ترسلين جوال جديد وانا أبي أعطيك العنوان <<< ما صدقت على الله
اشكرك حبيبتي على الطله

* ذكرى * هلا والله وغلا بشرفتنا الغاليه 0
الحمد لله حبيبتي على النعمه والصحه والله إنك صادقه إن العين جات في الجوال ولا جات فيني الجوال يتغير لكن الصحه من وين نجيبها إذا راحت0 وما تشوفين شر عيوني والله يبعد عنك العين 0
واكرر شكري لك مرة ثانيه

* ام شوق * هلا با الغاليه
الحمد لله على كل حال والحمد لله إنها ما جات بعيالي يارب لك الحمد 0 والله إنه مثل ماقلتي حتى إذا صلحته ما يرجع مثل أول ويبي يخرب عليه كل شوى لكن الله يعوضني بغيرة إن شاء الله
ومشكورة عيوني على مرورك