كثير قريت بهذا القسم بنات يشتكون من مشاكل
مثلاً تفتح الاستديو تلقى مجلد فيه صور غريبه وماينحذف :o
او تلقى مع الاسماء ارقام غريبه
تفتح النت تروح المفضله تلقى صفحات محفوظه غريبه
اول شي لازم نفهم من وين جت المشلكه طبعاً اي جوال من شركه سامسونق (جالكسي ) يتطلب انو يكون بالجهاز حساب جيميل علشان نقدر نحمل برامج
انتي تودي جهازك للمحل يقوم يدخل ايميل (جيميل ) ويستخدمه مع كل الزباين
اذا خلص وحذف الايميل كويس بس بعض الاحيان مايحذفه هنا المشكله
فيه احتمال اي صوره تصورينها تروح عنده بالايميل وبكذا صور الناس كلها تصير عنده:29:
فيه احتمال بالخطاء تقوليله احفظ نسخه من الاسماء والارقام على الايميل وبكذا راح تنزل الارقام عند كل اللي صلحو اجهزتهم عند المحل
الـــــــــــحــــــــــــــــل
الخطوه الاولى -- لازم نلغي خاصيه رفع الصور للايميل ونقفلها
الطريقه
خاصية instant upload / خاصية لا ينتبه لها الجميع !! لجوالات سامسونج .. انتبهوا رجاءا
صراحه انا ماضبطت معي لان جهازي فيه مشكله فاللي عندها سؤال تسأل صاحبه الموضوع
الخطوه الثانيه -- راح نلغي مزامنه الصور
اتأكد انو المزامنه مفتوحه
بعدين اروح الضبط واختار الحسابات والمزامنه راح تلاقين ايميل ادخلي
شيلي الصح مثل الصوره ترا بعض البنات مايكون عندها picasa عادي شيلي الصح اللي تحت
بعدين ارجعي بالسهم اللي تحت لورا وادخلي للايميل مره ثانيه اذا لقيتي نفس الصوره اللي فوق يعني مزامنه الصور ماعندها صح كويس كملي
>>>>هنا الفائده انو ماراح تنزل صور زياده على المجلدات اللي بالاستديو
الخطوه الثالثه-- راح نحذف الايميل اللي هومستخدمه
اختاري ازاله الحساب
>>>>هنا الفائده انو تنحذف المجلدات الغريبه اللي بالاستديو
الحين لما تدخلين الاستديو تلقين الملفات الغريبه راحت :laugh2:
بس راح يطلعلك فوق بالشريط الاسود مثلث جواته علامه تعجب!
علشان تروح لازم تضيفين حساب جيميل
الطريقه عادي سوي حساب انا سويت بالكمبيوتر بعدين
رحت الضبط >>>الحسابات والمزامنه >>>google >>> بعدين الايميل وكلمه المرور
راح يسأل ***** نسخه احتياطيه انا قلتله لا لاني خفت ينقل الصور على الايميل
ملاحـــظـــه
* لازم نرجع نسوي الخطوه الاولى والثانيه على الايميل حقنا علشان صورنا ماتنرفع على النت
* علشان يروح المثلث اللي فوق ننزل القائمه من فوق ونختار المثلث راح يطلع الايميل اللي دخلتيه ( الجديد) انقري عليه بس ويروح المثلث
*انا مو متأكده ان طريقتي صح 100%100 بس راح اسأل مختصين وارد عليكم
حاولو ترفعون الموضوع علشان يظل بالصفحه الاولى ويشوفوه اكبر عدد
دعواتكم ان ربي يفرج همي