السلام عليكم ورحمة الله وبركاته
كيفكم ياحلوات
فيه موضوع شاغل بالي من زمان اوحسه يقرقع وابي افضفض لي
احد وان شاء الله اجد عندكم الجواب الي يريح قلبي
السالفه يابنات انه صارت مشكله بيني وبين وحده قريه <<طبعن انا كنت دوبني لي 6شهور متزوجه وجاءه من ديره ثانيه يعين مااعرفه زين
بس والله اني معتبرتهم زي خواتي عشاني بعيده عن اهلي
المهم هذي قريبتي صارت المشكله وهي تصوير جولات صورتني بجوالي
انا فوقتها زعلت وعصبت واخذة الجوال ومسحت الصوره واعتبرت كان شي ماصار <<طبعا بعد فتره يمكن اسبوع
المهم انها بدت تتمااد اكيد وتتفزني بشياء ثانيه <<يعني بالعربي ماتحترمني لدرجه انها تنفض سفره الاكل فحضني وانا جالسه اسولف مع البنات
بالله ماهو شي يقهر انا الى هنا وقلبت للوجه الاخير لا ن الطيب ماجاب نتيجه
تخيلو يابنات لم صرت مااجيهم ولا اكلمهم صارو كل الناس يقولون انتي وشفيك عليهم وانا اسكت ابي اخلي الموضوع مستور واقول مافيني شي بس مشغوله واتعذر باي شي
تجمعوا مره قريبات وكانت امي معهم فرحت عشان امي
وصارت مشاده بين اختي وبيني قريبتي هذى <<ملاحظه انا ماروح مكان هذي الادميه تجي فيه
بس ذاك اليوم قلت معي اختي وامي
المهم قالوا كلهم فلانه ليش زعلانه وليش ماتجينا قلت خلني اعطيهم على بلاطه
قلت انها صورتي بجوال ووووووووووالخ
راحت هي كل قربياتي وانكرو وقالوا مستحيل تسوي كذا وكلهم وقفو ضدي
حسبي الله ونعم الوكيل والله اني بكيت عندهم من القهر ابي احد يصدقني
طلعت انا الظالمه واهي المظلومه
انا ماهمني هذا كله انا الي قهرني اني انا ابكي قلت جعلها ببنتي وزوجي ان كنت كذابه <<وانا والله العظيم صادقه ولا زليت بكلمه :44:
انا الان مقهوره اني دعيت على بنتي حبيبتي وزوجي عشان ناس تافهين
هل على اثم والله ان هالموضوع مايفارقني
بنات كيف اكفر عن ذنبي (بنتي وزجي)مالهم دخل
خايفه يصير فهم شي مع اني والله صادقه في كل كلمه
بس وسوسوت من كثر التفكير
انا المظلومه وفعيون قرابي ظالم كلهم مايجوني عشانه وربي صابني اكتاب
ادعولى بنصر والفرج
وانا الله يخلي لي بنتي وزوجي حبيبي وامي واخواتي
ويفرج كل هم وحده ترد ولا يخيب لها امل يارب
اللهم اني مظلوم فنتصر
اميره زوجي @amyrh_zogy
محررة برونزية
يلزم عليك تسجيل الدخول أولًا لكتابة تعليق.
اللؤلؤه الفوشيه
•
هذي وحده ما تستحي على وجهاا
ياحبيبتي طنشيهم واعلى مافي خيلهم يركبونه
اذا بنجري ورى العالم تصدقنا ماعشنا حياتنا
لاتنتظريهم يصدقونك والأيام بتثبت ولاتتكلمي كثير عن الموضوع واعتبريه هامش في حياتك
والله ينصرك عليهم ااااااامين
اذا بنجري ورى العالم تصدقنا ماعشنا حياتنا
لاتنتظريهم يصدقونك والأيام بتثبت ولاتتكلمي كثير عن الموضوع واعتبريه هامش في حياتك
والله ينصرك عليهم ااااااامين
الحل الوحيد لهذي المشاكل التطنيييييييييش
طنشي وماعليك من احد
وكرري حسبي الله ونعم الوكيل واستغفري كثير
طنشي وماعليك من احد
وكرري حسبي الله ونعم الوكيل واستغفري كثير
ماعليك فيهم
واذا قالوا ليش ماعاد تجينا
قولي لها مشاغل الدنيا
والله ما افضى
ولا طلعنا تمشينا انا وزوجي ولا اي شي
كانت غلطتك انك عاتبتيهم
الناس الي زي كذا ماتجي الا بالتطنيش
واذا قالوا ليش ماعاد تجينا
قولي لها مشاغل الدنيا
والله ما افضى
ولا طلعنا تمشينا انا وزوجي ولا اي شي
كانت غلطتك انك عاتبتيهم
الناس الي زي كذا ماتجي الا بالتطنيش
الصفحة الأخيرة